ປັດສະຄາ ແມ່ນຄວາມຈິງ ທີ່ພິຍານເຖິງ ພະໂລຫິດຂອງພະຄິດ

[ຄວາມຈິງຫຍັງທີ່ພະເຢຊູຊົງເອີ້ນວ່າ “ເລືອດຂອງເຮົາ”?]

ບໍ່ມີໃຜໃນທ່າມກາງຜູ້ຄົນຢ່າງຫຼວງຫຼາຍຂອງໂລກນີ້ ທີ່ຖືກເຮັດໃຫ້ເປັນຄົນຊອບທໍາຈາກພະເຈົ້າ ຫຼື ໄດ້ຮັບຄວາມພົ້ນ
ຫຼື ການ​​ອະ​ໄພ​ບາບ ຫຼື ພະ​ສັນ​ຍາ​ທີ່​ຈະ​ເປັນ​ປະ​ໂລ​ຫິດດັ່ງກະສັດໃນ​ສະ​ຫວັນໄດ້ ນອກຈາກພວກ​ເຂົາ​ຈະເຂົ້າ​ຮ່ວມ​
ໃນ​ປັດ​ສະ​ຄາ​ ຄໍາໝັ້ນ​ສັນ​ຍາ​ໃໝ່ ເຊິ່ງ​ພະ​ເຢ​ຊູ​ໄດ້​ສ້າງຕັ້ງຂຶ້ນ​ດ້ວຍ​ພະ​ໂລ​ຫິດ​ຂອງ​ພະ​ອົງທີ່ຫຼັ່ງໄຫຼເທິງໄມ້ກາງແຂນ.

[ຄິດສະຕະຈັກຂອງພະເຈົ້າ ແມ່ນຄອບຄົວແຫ່ງສະຫວັນທີ່ສົມບູນແບບ ດ້ວຍພະໂລຫິດຂອງພະເຈົ້າ]

ເນື່ອງຈາກພວກເຮົາບໍ່ສາມາດມີຊີວິດໄດ້ ຖ້າປາສະຈາກການກິນ ແລະ ການດື່ມ ພະກາຍ ແລະ ພະໂລຫິດຂອງພະເຈົ້າ, ພະຄິດອັນຊັງໂຮງຈຶ່ງໄດ້ຊົງສະເດັດມາເທື່ອທີສອງ ແລ້ວໄດ້ຊົງຟື້ນຟູປັດສະຄາ
ທີ່ຖືກຍົກເລີກໃນປີ ຄ.ສ 325 ແລະ ໄດ້ພິຍານກ່ຽວກັບພະມານດາແຫ່ງສະຫວັນ ຜູ້ຊົງເປັນແຫຼ່ງກໍາເນີດແຫ່ງຊີວິດ
ແກ່ມະນຸດຊາດທັງປວງ.

ເພາະພວກທ່ານກໍຮູ້ຢູ່ແລ້ວວ່າ ພວກທ່ານຖືກໄຖ່ໃຫ້ເປັນອິດສະຫຼະ ຈາກການດໍາເນີນຊີວິດອັນໄຮ້ປະໂຫຍດ ທີ່ສືບທອດມາຈາກບັນພະບູລຸດຂອງພວກທ່ານດ້ວຍສິ່ງໃດ. ບໍ່ແມ່ນດ້ວຍສິ່ງຂອງທີ່ເຊື່ອມສູນໄປໄດ້ດັ່ງເງິນ ຫຼື ຄໍາ; ແຕ່ຖືກໄຖ່ດ້ວຍໂລຫິດອັນແພງປະເສີດຂອງພະຄິດ ຜູ້ທີ່ເປັນດັ່ງລູກແກະບໍ່ມີຕຳໜິ ແລະ ດ່າງພອຍ.
[1 ເປໂຕ 1:18-19]

ພະເຢຊູໄດ້ກ່າວຕໍ່ພວກເຂົາວ່າ “ເຮົາບອກພວກທ່ານຕາມຄວາມຈິງວ່າ: ຖ້າພວກທ່ານບໍ່ກິນເນື້ອກາຍຂອງບຸດມະນຸດ ແລະ ດື່ມເລືອດຂອງເພິ່ນແລ້ວ ພວກທ່ານກໍຈະບໍ່ມີຊີວິດ ໃນພວກທ່ານເອງ.”
[ໂຢຮັນ 6:53]