ဝိညာဉ်အကြောင်း (၂)

[ကောင်းကင်တွင် အပြစ်ကျူးလွန်ပြီး ကမ္ဘာမြေကြီးကို
လာခဲ့ကြသော လူသားများ]

ကျွန်ုပ်တို့ဟာ ဝိညာဉ်ရဲ့အကြောင်းကို နားလည်တဲ့အခါမှာ
ကောင်းကင်နဲ့မြေကြီး၊ ပြီးတော့ ခပ်သိမ်းသောအရာတွေဟာ
ဘယ်လိုမျိုး ဖန်ဆင်းခံခဲ့ရပြီး၊ ကျွန်တော်တို့ဟာ ဘာဖြစ်လို့ ကမ္ဘာမြေကြီးပေါ်မှာ
နေထိုင်ကြရသလဲဆိုတာကို သိနိုင်ပြီး၊ ရှင်ပြန်ထမြောက်ခြင်းအတွက်
အသက်ရှင်တဲ့မျှော်လင့်ချက် ရှိနိုင်ပါတယ်။

ပုံမှန်အားဖြင့် လူတွေဟာ သူတို့မကြုံတွေ့ဖူးတဲ့ ကမ္ဘာကို
မယုံကြည်ချင်ကြပါဘူး။ အဲဒါကြောင့် အဖေဘုရားသခင်နဲ့ အမေဘုရားသခင်ဟာ
ဒီမြေကြီးကို ကိုယ်တိုင်ကြွလာပြီး ဝိညာဉ်နဲ့ ကောင်းကင်နိုင်ငံအကြောင်းကို
အသေးစိတ် ရှင်းပြခဲ့ပါတယ်။

[သေဆုံးပြီးနောက်၊ ကျွန်ုပ်တို့၏အကျင့်အတိုင်း
တရားစီရင်သော ဘုရားသခင်၏ တရားစီရင်မှု]

ကိုယ်ခန္ဓာနဲ့ စိတ်ဝိညာဉ် ကွဲကွာသွားတဲ့ အချိန်ဖြစ်တဲ့ သေဆုံးပြီးတဲ့နောက်မှာ
ဘုရားသခင်ရဲ့ တရားစီရင်ခြင်း ရှိတဲ့အတွက်
ဘုရားသခင်၏အသင်းတော် မိသားစုဝင်တွေဟာ
ဘုရားသခင်ရဲ့ နှုတ်ကပတ်ကိုလိုက်နာပြီး
ကောင်းကင်အတွက်မျှော်လင့်ချက် ရှိကြပါတယ်။

“မြေမှုန့်သည် နေရင်းမြေသို့၎င်း၊ ဝိညာဉ်သည် အရင်ပေးတော်မူသော
ဘုရားသခင်ထံသို့၎င်း ပြန်သွားရလိမ့်မည်။” ဒေသနာကျမ်း ၁၂:၇