परमेश्वरले आफ्ना सन्तानहरूको निम्ति तयार पार्नुभएको कुरालाई कसैले पनि नाप्न सक्दैन तेस्रो स्वर्गसम्मको महिमा देखेकाले प्रेरित पावल महान् अगमवक्ता बने । मानवजातिले नाप्न नसक्ने विशाल ब्रह्माण्डभित्र परमेश्वरले हाम्रो निम्ति महिमित भविष्य तयार पार्नुभएको छ । त्यसैकारण उहाँले पृथ्वीलाई होइन, तर ब्रह्माण्ड अर्थात् स्वर्गलाई हेर्नको लागि फराकिलो दृष्टिकोण लिन हामीलाई बोलाउनुभएको छ । स्वर्ग-राज्य देख्न सक्ने गरी हाम्रो आँखा खोलिदिन आउनुभएका आन साङ होङज्यू र माता परमेश्वर हामीले वर्तमान कठिनाइहरूलाई जितेर स्वर्गको महिमा र उज्जवल भविष्यमा ध्यान केन्द्रित गर्नुपर्छ । यदि हामीले स्वर्गको राज्यलाई विश्वास गर्न सकेनौं भने अन्ततः क्षणिक कष्टको बीचमा हामीले आफ्नो विश्वास गुमाएर सत्यता त्याग्न पुग्नेछौं । तर यदि हामीले स्वर्ग-राज्यको वास्तविकतालाई सही तरिकाले बुझ्यौं भने हाम्रो विश्वास दिनानुदिन बढ्नेछ, र हामी त्यो राज्यको महिमामा सहभागी हुन सक्नेछौं । किनभने, पापमय स्वभावमा मन लगाउनुचाहिँ मृत्यु हो, तर पवित्र आत्मामा मन लगाउनु जीवन र शान्ति हो । रोमी ८:६ किनकि यही आशामा हामीले मुक्ति पाएका थियौं । अब देखिनेचाहिँ आशा त आशा नै होइन । किनकि देखेका कुराको आशा कसले गर्छ र ? ... तर यदि हामी आफूले नदेखेका कुराको आशा गर्छौं भने, धैर्यसाथ हामी त्यसको प्रतीक्षा गर्छौं । रोमी ८:२४-२५

नयाँ करार जान्ने र मान्नेहरूले मात्र पूर्ण रूपमा चिन्न सक्ने एलोहिम परमेश्वर परमेश्वरको मण्डलीमा बाहेक पिता परमेश्वर र माता परमेश्वरलाई विश्वास गर्ने मानिस भेट्टाउन नसक्नुको कारणचाहिँ तिनीहरू नयाँ करारको सत्यताभित्र नभएकाले हो । बाइबलमा नयाँ करार मान्ने परमेश्वरका प्रजाहरूले मात्र एलोहिम परमेश्वर अर्थात् पिता परमेश्वर र माता परमेश्वरलाई पूर्ण रूपमा चिन्नेछन् भन्ने शिक्षा दिइएको छ । परमेश्वरको मण्डलीका मानिसहरूले मात्र नयाँ करारको व्यवस्थालाई बुझेर मान्छन्, र वर्तमान युगका मुक्तिदाता एलोहिम परमेश्वरलाई सही तरिकाले चिनेर ग्रहण गर्छन् ।

परमेश्वरका सन्तानहरूले भौतिक कुराप्रति नभएर, स्वर्ग-राज्यप्रति अझ ठूलो आशा राख्नुपर्छ यहूदा इस्करियोत येशूज्यूको चेला नै भए तापनि उसको मन स्वर्ग-राज्यमा भन्दा भौतिक धन-सम्पत्तिमा केन्द्रत थियो । उसले आफूलाई जिम्मा दिइएको पैसा चलायो, र येशूज्यूको दफनको लागि महँगो अत्तर प्रयोग गरेकी मरियमलाई हप्कायो । छायाको रूपमा देखाइएको दाऊद र अहीतोपलको इतिहासजस्तै यहूदाले येशूज्यूलाई चाँदीका तीस सिक्कामा बेच्यो र अन्ततः आफैले झुण्डिएर आफ्नै मृत्युको अगमवाणी पूरा गऱ्यो । असल र खराबको ज्ञान दिने रूखको नजिक जाँदा हव्वा प्रलोभनमा परेजस्तै, हाम्रो नजिकको कुराबाट उत्पन्न हुने परीक्षा यहूदा इस्करियोत आफूलाई जिम्मा दिइएको पैसाको थैलोको कारण प्रलोभनमा परेजस्तै, हामी पनि शैतानले हाम्रो नजिकको कुराबाट ल्याउने प्रलोभनदेखि सावधान रहनुपर्छ र हामीले सधैँ अनुग्रमय बोली र व्यवहारद्वारा विश्वासको जीवन जिउनुपर्छ । आन साङ होङज्यू र माता परमेश्वरले डोऱ्याउनुभएको स्वर्गतर्फको बाटोमा अनुग्रहमय रूपले हिँड्ने मानिसहरूले स्वर्गमा पनि परमेश्वरलाई महिमा दिनेछन् र अनन्त महिमा उपभोग गर्नेछन् । किनकि हामीले न त यस संसारमा केही ल्यायौं न यहाँबाट केही लैजान नै सक्छौं । किनभने रुपियाँपैसाको मोह नै सबै किसिमका खराबीको जड़ हो । पैसाको लोभमा परेर कोही-कोही विश्वासबाट कुमार्गतिर लागेका छन्, र धेरै पीडाले तिनीहरूका हृदय घोचेका छन् । १ तिमोथी ६:७-१० उहाँले तिनीहरूलाई भन्नुभयो, “बाह्रैमध्ये एक जना, जसले मसँग थालमा रोटी चोपिरहेछ । किनकि मानिसको पुत्रलाई उसको विषयमा लेखिएबमोजिम हुन्छ, तर धिक्कार त्यस व्यक्तिलाई जसद्वारा मानिसको पुत्रलाई धोका हुन्छ । त्यस मान्छेको त जन्मै नभएको भए असल हुनेथियो ।” मर्कूस १४:२०-२१

फारसका राजा कोरेसको अवस्थाजस्तै : मानव-जातिको भविष्य बाइबलमा लेखिएको छ फारसका राजा कोरेसले बाइबलमा आफ्नो विषयको अगमवाणी पत्ता लगाएर त्यसबाट एकदमै प्रेरित भई इस्राएलीहरूलाई कैदबाट छुटकारा गराए, अनि यरूशलेममा मन्दिर निर्माण गर्न लगाए । त्योजस्तै, आज हामीले पनि बाइबलमा अभिलेख गरिएका अगमवाणीहरूलाई विश्वास गर्नुपर्छ । हामीले पनि कोरेसले जस्तै हर्षका साथ, परमेश्वरले आज्ञा गर्नुभएको सुसमाचार सारा हृदय र सारा प्राणले प्रचार गर्नुपर्छ । आन साङ होङज्यू र माता परमेश्वरको भय मान्ने सियोनका स्वर्गीय सन्तानहरूलाई गरिएको प्रतिज्ञा येशूज्यूले दश सिक्काको दृष्टान्तद्वारा दिनुभएको शिक्षाजस्तै, उहाँले परमेश्वरको वचनको भय मान्नेहरूका निम्ति मृत्यु, शोक, आँसु वा पीडा नभएको स्वर्गमा सदासर्वदा परमेश्वरसँगै अनन्त महिमा उपभोग गर्न दिने प्रतिज्ञा गर्नुभएको छ । तब मैले नयाँ आकाश र नयाँ पृथ्वी देखें, पहिलो आकाश र पहिलो पृथ्वी बितिगएका थिए । समुद्र त अब छँदैथिएन । ... उहाँले तिनीहरूका आँखाको आँसु पूर्ण रूपले पुछिदिनुहुनेछ, र फेरि मृत्यु नै हुनेछैन, र शोक र पीडा पनि हुनेछैन । किनकि पहिलेका कुराहरू बितिसकेका छन् ।” प्रकाश २१:१-४

[मैले परमेश्वरको मण्डलीमा अन्धो विश्वास होइनकि साँचो विश्वास लिन थालेको छु ।] ख्रीष्टियान भएकोले म साँचो अर्थविनाको विश्वासको जीवन जिउँदै आदतका कारण आराधनाहरूमा हाजिर हुने गर्थे, तर परमेश्वरको मण्डलीमा बप्तिस्मा लिएपछि, ख्रीष्ट आन साङ होङज्यूका पुस्तकहरूद्वारा मैले सत्यता राम्ररी बुझ्न सकें । वर्तमान युगमा स्वर्गीय माता हामीसँगै हुनुहुन्छ भन्ने कुरा महसुस गरेपछि मैले साँचो हर्ष र खुसीसाथ आराधना गर्न सकें । परमेश्वरको मण्डलीमा मैले गहिरो न्यानोपन महसुस गरें । परमेश्वरले मेरो जीवनमा सधैँ आत्मिक सहयोग र प्रोत्साहन प्रदान गर्नुहुन्छ भन्ने कुरा महसुस गर्दै, म अझ उज्यालो र खुसी मनद्वारा भविष्यलाई हेर्न सक्ने भएको छु ।

यस संसारको महिमाचाहिँ तुरुन्तै हराएर जाने बिहानको तुवाँलो वा पानीका फोकाहरूजस्तै क्षणिक छ । यद्यपि परमेश्वरले स्वर्ग-राज्यमा दिनुहुने जीवन, युवावस्था, खुशी र महिमा लगायतका कुराहरू अनन्तका छन् । यस्तो समस्याग्रस्त संसारमा डरमा जिइरहेका मानिसहरूलाई सान्त्वना पाउने सियोनमा डोऱ्याउनू भन्ने परमेश्वरको आज्ञा खुशीसाथ पालन गर्नेहरू स्वर्गमा ताराहरूजस्तै चम्किरहनेछन् ।