परमेश्वरको निमन्त्रणा

[बाइबलचाहिँ परमेश्वरले मानव-जातिको निम्ति पठाउनुभएको निमन्त्रणा हो]

दाऊदले “मेरा आँखा खोलिदिनुहोस्, र म तपाईंको व्यवस्थाका उदेकका कुराहरू
देख्न सकूँ” भनेर प्रार्थना गरेजस्तै, परमेश्वरले हाम्रो मुक्तिको निम्ति
विशेष गरी स्थापना गरिदिनुभएका एउटा-एउटा आज्ञाहरू सबै
परमेश्वरको प्रेम समावेश भएको निमन्त्रणा हो भनी महसुस गरेर
हामीले ती पूर्ण रूपले पालन गर्नुपर्छ ।

[परमेश्वरको मण्डलीले परमेश्वरको प्रतिज्ञा समावेश भएको नयाँ करार पालन गर्दछ]

पवित्र आत्माको युगमा आन साङ होङज्यू र माता परमेश्वर यो पृथ्वीमा आउनुभएको चाहिँ
धार्मिक अन्धकारको युगमा नष्ट गरिएको नयाँ करारको शबाथ-दिन र निस्तार-चाड पुनर्स्थापन गरेर,
मानव-जातिले स्वर्गमा गरेको पाप क्षमा गरिदिई स्वर्गको बाटो थाहा दिनको निम्ति हो ।

“तैंले इस्राएलीहरूलाई यसो पनि भन्नू: तिमीहरूले निश्चय मेरा शबाथहरू मान्नू ।
तिमीहरू र मेरो बीचमा यो एउटा चिन्ह हुनेछ, कि म, परमप्रभु नै, तिमीहरूलाई पवित्र गर्दछु भनी
तिमीहरूले थाहा पाओ । तिमीहरूले शबाथ मान्नू, किनभने तिमीहरूका निम्ति त्यो पवित्र हो ।
त्यो अपवित्र गर्ने निश्चय नै मारिओस् । जस-जसले त्यस दिन केही कामकाज गर्ला
त्यो आफ्ना मानिसहरूबाट बहिष्कृत हुनेछ ।”
[प्रस्थान ३१:१३-१४]

“पाप र मृत्युको व्यवस्थाबाट मलाई जीवनका आत्माको
व्यवस्थाले ख्रीष्ट येशूमा मुक्त पारेको छ ।”
[रोमी ८:२]