Amri ya Kwanza na Pasaka

Kutoiadhimisha Pasaka Ni Sawa na Kutoishika Amri ya Kwanza.

Kama vile Mfalme Yosia na Mfalme Hezekia walivyoondoa sanamu zote na kumtumikia Mungu pekee kwa moyo na akili zao zote walipoadhimisha Pasaka, leo pia, tunaweza kushika amri ya kwanza, “Usiwe na miungu mingine ila mimi,” kwa kushika tu Pasaka ya agano jipya.

Kanisa la Mungu Linamtumikia Mungu Pekee kwa Kuadhimisha Pasaka.

Sisi, wanadamu, hatuwezi kamwe kuokolewa wala kubarikiwa tunapotumikia miungu mingine badala ya Mungu. Ndiyo maana Kristo Ahnsahnghong na Mungu Mama Wameirudisha Pasaka ya agano jipya ambayo kupitia hiyo tunaweza kumtumikia Mungu pekee, na kutuomba tuiadhimishe.

“Shika Pasaka kwa BWANA Mungu wako, kama ilivyoandikwa katika Kitabu hiki cha Agano.” . . . Kabla wala baada ya Yosia, hapakuwa na mfalme kama yeye aliyemrudia BWANA kwa moyo wake wote, roho yake yote na nguvu zake zote, . . . 2 Wafalme 23:21–25