Yókma ter tei Molbrúmni Bahan tei Bwthẃi

Thinango Wamya Wngnai Bororokno Asamung Rwnai Ter.

Yókma ter wng kha haino auang lepsano chámani tei angur bwtwi khurisano nungmani kaisa ter ya. Abo sal wng kha Kaitorni borok hai khe sil manma bai mwthangjakmungni swmaino mano tei abo wng kha asamungni kaisa ter se, hakhe srapsani langma gwnang bororokno thwiphlaiya langma rw-o.

Swngcharo bu Motha Yókma ter tẃiwi tong?

Kaitor Soitanni phanno mechenani tei Kaitorni bwsarok thwiphlaiya langma rwnani phai kha.
Sajlani mol-o Jisu simi se, hakhe Phola Kwtharni mol-o wng kha Khristo Ahnsahnghong bai Ama Kaitor se thwiphlaiya langmani swmai gwnang Swmai Kwtalni Yókma terno bebak bororokno rw-o.

O hathái’-ono sengkrakrokni Subraiyung bebak bororokni bagwi chámung panda kotor kaisa rwnai bebak kothok kothok chámung tei bupham gwnang bahanrok bai tei kaham kuk angur bwtwi bai panda khlaijaknai . . . Kwplaisa Subraiyung thwimano monogwi páinai . . . A salo hai hwnwi sajaknai “Nai di omo chini Kaitor; chwngno mwthangna bagwi bo naisingwi tong kha.” Jisaia 25:6-9