ପାର୍ମେଶ୍ୱାର୍ ଆବୁୱାଃ ସାନାଙ୍ଗେତେ ଆବୁୱାଃ ବିନ୍ତିରେ ଚିନାଃନାଙ୍ଗ୍ ଏଟାଃଲେକାଏ ଏମ୍ ରୁୱାଡ଼ାବୁତାନା?
ଚିମ୍ତା ଆବୁ ହଡ଼୍ମରାଃ ଜିନିଷ୍କ ନାଗେନ୍ତେ ପାର୍ମେଶ୍ୱାର୍ବୁ ବିନ୍ତିତାନା, ଅଡ଼ଃ ଆବୁୱାଃ ସାନାଙ୍ଗେତେ ଏଟାଃଗେ ଏମ୍ ରୁୱାଡ଼ାବୁତାନ୍ରେଦ, ଆବୁବୁ କାଜିଏତାନା, “ପାର୍ମେଶ୍ୱାର୍ ଆଇଁଙ୍ଗାଃ ବିନ୍ତିଏତେ କାଏ ଏମାଇଁଙ୍ଗ୍ତାନା।”
ମେନ୍ଦ, ସାନାର୍ତି ନେୟାଁ କା ତାନାଃ।
ଆବୁକେ ସାରିନ୍ ଲାଗାତିଙ୍ଗା ଚି ନେୟାଁ ସିର୍ମା ରାଇଜ୍ରାଃ ଆଶିଷ୍ ଏମାବୁ ନାଗେନ୍ତେ ତାନାଃ, ଅଡଃ ଆବୁୱାଃ ଆତ୍ମାନାଙ୍ଗ୍ ମିୟାଁଦ୍ ବୁଗିନାଃତାନା, ଅଡ଼ଃ ପାର୍ମେଶ୍ୱାର୍ରାଃ ଦୁଲାଡ଼୍ରାଃ ହୋରାତାନା।
ପାର୍ମେଶ୍ୱାର୍ରାଃ କାଲିସିୟାରେନ୍ ହାଗାମିସିକ ପାର୍ମେଶ୍ୱାର୍ରାଃ ଆଞ୍ଚୁକ ସାରିତାନା ଅଡ଼ଃ ଯୀଦାନ୍ ଦୁଗଃରେୟାଃ ଦୁଲାଡ଼୍କ ହାଟିଙ୍ଗେତାନା
ମିୟାଁଦ୍ ଏଙ୍ଗାଃ ଦୁଲାଡ଼୍ ଅକନିଃ 1951 ଜାନୁଆରୀରେ ରାବାଙ୍ଗ୍ ସାମାଏ ମିୟାଁଦ୍ ହନ୍କେ ଦୁଃଉଇନାଙ୍ଗ୍ ଆଏଗେ ଦାଣେନେୟାଁନା, ଆବୁକେ ଆବୁୱାଃ ଆତ୍ମିକ୍ ଏଙ୍ଗା-ଆପୁ, ଖ୍ରୀଷ୍ଟ୍ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍ମେଶ୍ୱାର୍ରାଃ ଦାଣେ ବିଷାଏତେ ଉଡ଼ୁଃଏନାଙ୍ଗାଏ ଲାସୁର୍ବୁତାନା।
ଇନ୍କିନ୍ ମାନାୱାଁ ଜାତିକକେ ପାପେତେ ଦୁଃଉକନାଙ୍ଗ୍ ଅଡ଼ଃ ମାନାୱାଁ ଜାତିକକେ କା ଟୁଣ୍ଡୁଃ ସିର୍ମା ରାଇଜ୍ ଏମାକନାଙ୍ଗ୍ ଆକିନ୍ଗେକିନ୍ ଦାଣେନେୟାଁନା।
ଏ ଦୁଲାଡ଼୍କ ମାର୍ବୁ ଦୁପୁଲାଡ଼ା; ଦୁଲାଡ଼୍ଦ ପାର୍ମେଶ୍ୱାର୍ ସାଃଏତେୟା। ଅଡ଼ଃ ଦୁଲାଡ଼୍ନି ପାର୍ମେଶ୍ୱାର୍ ତେୟାଏ ଉନ୍ଦୁବାକାନା ଅଡ଼ଃ ପାର୍ମେଶ୍ୱାର୍ରାଏ ସାରିତାନା।
କା ଦୁଲାଡ଼୍ନିଃ ପାର୍ମେଶ୍ୱାର୍ କାଏ ଆଟ୍କାର୍ ଉରୁମିତାନା, ପାର୍ମେଶ୍ୱାର୍ଦ ଦୁଲାଡ଼୍ତାନିଃ।
1ଯୋହାନ୍ 4:7-8
- Post Date
- 2024. 01. 12
- Emotion
- 3
