Si Amahang Ahnsahnghong kay Dios, ang Cristo nga Mianhi sa Ikaduhang Higayon III

Unsa ang mga Kinaiya sa Sion nga Itukod sa Dios?

Gitawag sa Dios ang simbahan nga nagbantay
sa Iyang mga kasaulogan nga Sion.
Ang bugtong simbahan nga nagtuman sa mga kasaulogan
sa Dios nga nahisulat sa Biblia—ang Igpapahulay,
ang Pagsaylo, ang Kasaulogan sa Pan nga Walay Patubo,
ang Kasaulogan sa Unang mga Bunga,
ang Adlaw sa Pentecostes, ang Kasaulogan sa mga Trumpeta,
ang Adlaw sa Pagpapas sa Sala, ug ang Kasaulogan
sa mga Tabernakulo— mao ang Church of God.

Walay Tawo nga Makatukod sa Sion;
Ang Dios lamang ang Makatukod sa Sion

Gitukod ni Jesus ang bag-ong kasabotan uban
sa Iyang bililhong dugo, dili sa dugo sa mga mananap
sumala sa Balaod ni Moises.
Gitudloan usab niya kita nga ang dapit diin gihimo
ang mga kasaulogan sa bag-ong kasabotan mao ang Sion
diin ang kaluwasan sa katawhan gihatag.
Bisan pa, ang mga kasaulogan sa bag-ong kasabotan
nawala sa Panahon sa Kangitngit, ug ang Sion gilaglag.
Karon, gitukod pag-usab ni Cristo Ahnsahnghong
ang Sion nga naguba.

Sa dihang tukoron na sa Ginoo pag-usab ang Sion,
iyang ipakita ang iyang pagkagamhanan.
Salmo 102:16

Tutok sa Sion, ang siyudad diin atong gihimo
ang mga gitakdang kasaulogan!
Tan-awa ang Jerusalem— usa ka malinawong
puloy-anan ug tolda nga dili mabalhin.
Ang ugsok niini dili maibot ug ang mga higot
dili mabugto…
Didto harian kita ni Yahweh …
Si Yahweh maoy atong maghuhukom,
siya ang atong hari ug panalipdan gayod kita niya.
Isaias 33:20–22