Ang mga Tinago Mahitungod sa Paghari sa Dios ug ni Cristo

Ang Pinakadako nga mga Tinago Mahitungod sa Paghari sa Dios Kinahanglang Mahibaloan sa Katawhan Alang sa Kaluwasan

Ang mga miyembro sa Sion gidayeg tungod sa ilang talagsaong mga kalampusan sa ilang pagtuon,
boluntaryong mga kalihokan, ug kinabuhi sa pagtuo, apan ang labing importante nga butang taliwala
kanila mao ang ilang pagtuo kang Cristo Ahnsahnghong ug sa Dios Inahan, ang mga tinago mahitungod sa Paghari sa Dios.

Unsa ang Dalan sa Kaluwasan nga Gitudlo Kanato sa Dios nga Mianhi Ingon sa Espirituhanong David?

Gatosan ka tuig human mamatay si Haring David, gipropesiya ni propeta Ezekiel  nga ang Dios moabot ingon nga David uban ang bag-ong kasabotan sa kataposang mga adlaw. Si Cristo Ahnsahnghong, nga mianhi isip espirituhanong David, mipasig-uli sa bag-ong kasabotan sa Pagsaylo nga giwagtang niadtong AD 325, ug nnagpahibalo kanato nga kita maluwas lamang kon kita moduol sa Dios Inahan, nga mao ang kamatuoran sa bag-ong kasabotan.

“ ‘Ang hari nga sama kang David nga akong sulugoon hangtod sa kahangtoran. Maghimo akog usa ka kasabotan sa pakigdait uban kanila; kini usa ka kasabotan nga walay pagkabalhin…Ako ilhon nila nga ilang Dios ug sila mahimong akong katawhan.’ “
Ezekiel 37:25–27

“Nag-ingon ang GINOO, “Taliabot ang panahon nga maghimo akog bag-ong kasabotan uban sa katawhan sa Israel ug sa Juda... ibutang ko ang akong sugo sa ilang kaisipan ug isulat ko sa ilang kasingkasing. Ug mahimo ako nga ilang Dios ug sila akong katawhan”
Jeremiah 31:31–33