Ki Maïan jong ka Hima ki Bneng bad U Khrist

Ki Maian Bakhraw Tam jong ka Hima ki Bneng Kaba U Khun Bynriew U Dei Ban Tip Na ka Bynta ka Jingpynim

Ki dkhot ka Seion ki ioh iaroh na ka bynta ki jingioh bakhraw ha ka pule puthi,
ki kam trei mon sngewbha, bad ka jingim ka jingngeit jong ki, hynrei ka bynta kaba kham kongsan napdeng kita ka dei ka jingngeit ha U Khrist Ahnsahnghong bad Ka Blei Ka Kmie, ki Maian jong ka hima ki bneng.

Kaei Ka Lynti ka Jingpynim Kaba U Blei Uba La Wan kum U Dabid Bakynja mynsiem u la Hikai ia Ngi?

Da ki spah snem hadien ba U Syiem Dabid u la iap, U Esekiel u nongiathuhlypa u la iathuhlypa
ba U Blei un wan kum U Dabid bad ka jutang bathymmai ha ki sngi kiba khadduh.
U Khrist Ahnsahnghong, uba la wan kum U Dabid bakynja mynsiem,
u la pynioh pat ia ka jutang bathymmai Ka Niam ka Jinglait kaba la pynduh noh ha ka 325 HK,
bad U la pyntip ia ngi ba ngi lah ban laitim tang haba ngi wan sha Ka Blei Ka Kmie,
kaba long ka jingshisha jong ka jutang bathymmai.

“ ‘. . . bad U Dabid u shakri jong nga un long u nongialam jong ki junom junom. Ngan iathaw ruh ka jutang ka jingsuk bad ki: kan long ka jutang bymjukut bad ki . . . te ngan long U Blei jong ki, bad kin long ki briew jong nga.’ ”
U Esekiel 37:25–27

“Ha khmih, ki sngi kin poi,” ong U Trai, “ba ngan thaw ia ka jutang bathymmai
bad ka ïing Israel bad ka ïing Judah ruh . . . ngan buh ia ka hukum jong nga
ha ki bynta kiba shapoh jong ki, bad ngan thoh ia ka ha ka dohnud jong ki;
bad ngan long U Blei jong ki, bad ki kin long ki briew jong nga.”
U Jeremaiah 31:31–33