Si Cristo nga Nagtuman sa Propesiya sa Paghari ni Haring David

Kon ang Dios Mobalik Pag-usab isip Tawo, Unsaon Nato Siya Pag-ila?

Ang Biblia nagpropesiya nga ang Dios, nga moanhi sa unod, maghari sa trono ni David. Kini nagpasabot nga sama nga si David misaka sa trono sa edad nga 30, sa dihang ang Dios moanhi sa unod, Siya pagabunyagan sa edad nga 30 ug magsugod sa Iyang ministeryo sa ebanghelyo. Kini usa ka mahinungdanong timaan sa pag-ila sa Dios sa dihang Siya moanhi sa unod.

Apan, dili sama ni Haring David, kinsa nagmando sa nasod sulod sa 40 ka tuig, gibuhat ni Jesus ang Iyang ministeryo sa ebanghelyo sulod sa tulo ka tuig sa wala pa Siya mosaka sa langit. Busa, aron matuman ang nahibiling 37 ka tuig sa propesiya, ang Dios kinahanglang moanhi pag-usab diha sa unod.

Sumala sa propesiya sa paghari ni David, si Cristo Ahnsahnghong gibunyagan sa edad nga 30 ug gituman ang nahibiling 37 ka tuig sa ministeryo sa ebanghelyo. Gidala usab Niya ang walay kataposang kasabotan, ang Pagsaylo sa bag-ong kasabotan, nga mao ang laing timaan ni David.