Habugra Daudni Ha Naikolphangni Kók Diyarino Phnang Phainai Khristo

Tumung Kaitor Borok wngwi Haino Hai Phaiphi khe, Chwng Bóno Bahai Khe Siniui Mannai?

Baibelo bahan bwthẃi-o khe, phainai a Kaitor, Daudni achukthayungo Bugra chánai hwnwi kók diyari sasogo. Omoni kókmang wng kha Daud umor 30-o achukthayungo achukmani hai kheno, Kaitor baham bwthẃi-o khe phai phuru, Bó umor 30-o baptisma wngwi, Bini kothoma kaham pírmani samungno chengnai hwnmani se. Omo wng kha Kaitor bahan bwthwi-o khe phai phuru Bóno sininani bagwi kaisa nangkukmani mari.

Hai phano, Habugra Daud khe bugrahano 40 bisi romwi naikol lang kha, tei baisa-o Jisu khe Bó chuknoha-o kasaui thángyakho swkango Bini kothoma kaham pírmani samungno bisi 3 se khlai lang si-o. Aboni bagwino, tei 37 bisi tongrwkmani a kók diyarino pura khlainani bagwi, Kaitor bahan bwthẃi-o khe tei uáisa phaiphinani se nangnai.

Daud bugra chámani kók diyarini mote khe, Khristo Ahnsahnghong umor 30-o baptisma wng kha, hakhe tei 37 bisi kothoma kaham pírmani samung tongrwkmano pura khlai phai kha. Bó swmai kwtalni Yókma Ter, a mol brúm brúmni swmainobo tubu kha, abo wng kha Daudni tei kaisa mari.