Ang Nagpugas, ang Nagbisbis, ang Nagpatubo niini

Ang Rason Kon Nganong Ang Matang sa Kinabuhi nga
Gitabangan sa Dios ug ang Gahom sa Dili Makita nga
Kalibotan Importante kaayo

Ang Usa nga nag-una kang Haring Ciro ug nagpildi sa tanan niyang mga kaaway, ang Usa nga nag-ayo sa sanla ni Naaman, ang Usa nga nanalipod sa gamayng gingharian sa Juda gikan sa pag-atake sa 185,000 ka sundalo sa Asiria ug sa kaalyado nga kasundalohan, ug ang Usa nga naghatag sa kasundalohan ni Josue ug ang kadaogan sa gubat batok sa mga Amalekanhon mao ang atong Dios nga nagdumala sa tanang butang sa kalibotan nga dili makita.

Ang Buhat ni Cristo Ahnsahnghong ug ang Dios Inahan
Maoy Nangulo sa Church of God sa Tibuok Kalibotan

Si Apostol Pablo nakaamgo nga bisan pag ang usa ka
tawo magpugas ug buhing binuhat, magbisibis niini,
ug maghimo ug palibot aron kini motubo, kini walay
kapuslanan kon wala ang Dios nga nagpatubo sa mga tanom.
Sa samang paagi, ang mga miyembro sa Church of God
nagsalig sa Dios nga kanunay nagauban ug nagtabang kanila.

Milantaw ako sa kabukiran ug nangutana:
Diin maggikan ang akong panabang?
Ang akong panabang naggikan sa GINOO,
nga nagbuhat sa langit ug sa yuta.
Salmo 121:1–2

Gawas kon ang GINOO maoy magtukod sa balay,
kawang lamang ang kahago niadtong nagtukod niini.
Gawas kon ang GINOO maoy magbantay sa siyudad,
kawang lamang ang pagtukaw sa mga magbalantay.
Salmo 127:1