ຜູ້ປູກ, ຜູ້ຫົດນ້ຳ, ຜູ້ທີ່ເຮັດໃຫ້ສິ່ງຕ່າງໆໃຫຍ່ຂຶ້ນ
ຈຳນວນຜູ້ເຂົ້າຊົມ 1,139 ຄັ້ງ #ການອາໄສພະເຈົ້າ #ລິດອຳນາດຂອງພະເຈົ້າ #ຖວາຍກຽດແດ່ພະເຈົ້າ[ເຫດຜົນທີ່ວ່າ ເປັນຫຍັງຊີວິດທີ່ພະເຈົ້າຊົງຊ່ວຍ ແລະ ລິດອໍານາດຂອງໂລກທີ່ເບິ່ງບໍ່ເຫັນຈຶ່ງສຳຄັນຫຼາຍ]
ພະອົງຜູ້ທີ່ໄດ້ຊົງນໍາໜ້າກະສັດໄຊລັດ ແລະ ເອົາຊະນະສັດຕູທັງໝົດຂອງເພິ່ນ, ພະອົງຜູ້ທີ່ຊົງປິ່ນປົວພະຍາດຂີ້ທູດຂອງນາອາມານ, ພະອົງຜູ້ທີ່ຊົງປົກປ້ອງອານາຈັກນ້ອຍໆຂອງຢູດາ ຈາກການໂຈມຕີຂອງທະຫານອັດຊີເລຍ ແລະ ກອງກໍາລັງພັນທະມິດຈໍານວນ 185,000 ຄົນ ແລະ ພະອົງຜູ້ຊົງໃຫ້ກອງທັບຂອງໂຢຊວຍໄຊຊະນະໃນການສູ້ຮົບກັບຊາວອາມາເຫຼັກ ແມ່ນພະເຈົ້າຂອງພວກເຮົາ ຜູ້ປົກຄອງທຸກສັບພະສິ່ງໃນໂລກທີ່ເບິ່ງບໍ່ເຫັນ.
[ວຽກງານຂອງພະອັນຊັງໂຮງ ແລະ ພະເຈົ້າພະມານດາ ຜູ້ຊົງນໍາພາຄິດສະຕະຈັກຂອງພະເຈົ້າ ໃນທັງທົ່ວໂລກ]
ອັກຄະທູດ ໂປໂລໄດ້ຮັບຮູ້ວ່າ ເຖິງແມ່ນວ່າ ມະນຸດຈະປູກຝັງສິ່ງທີ່ມີຊີວິດພ້ອມທັງຫົດນ້ຳ ແລະ ສ້າງສິ່ງແວດລ້ອມ ເພື່ອໃຫ້ມັນເຕີບໃຫຍ່ຂຶ້ນກໍຕາມ, ແຕ່ຖ້າປາສະຈາກພະເຈົ້າ ຜູ້ຊົງເຮັດໃຫ້ສິ່ງຕ່າງໆໃຫຍ່ຂຶ້ນ ມັນກໍບໍ່ມີປະໂຫຍດຫຍັງ.
ເຊັ່ນດຽວກັນ, ບັນດາສະມາຊິກຂອງຄິດສະຕະຈັກຂອງພະເຈົ້າ ໄດ້ເພິ່ງພາໃນພະເຈົ້າ ຜູ້ຊົງຢູ່ກັບພວກເຂົາສະເໝີ ແລະ ຊ່ອຍເຫຼືອພວກເຂົາ.
ຂ້ອຍຫຼຽວຂຶ້ນໄປສູ່ເທິງພູທັງຫຼາຍ ຈະມີຜູ້ໃດແດ່ບໍພໍຊ່ວຍເຫຼືອຂ້ອຍໄດ້?
ຄວາມຊ່ວຍຊູຂອງຂ້ອຍຈະມາແຕ່ພະເຈົ້າໃດ ອົງທີ່ໄດ້ສ້າງສະຫວັນ ແລະ ແຜ່ນດິນໂລກ.
[ເພງສັນລະສີນ 121:1-2]
ຖ້າພະຜູ້ເປັນເຈົ້າບໍ່ກໍ່ບ້ານສ້າງເຮືອນຊານ ວຽກງານຄົນກໍ່ສ້າງທັງໝົດກໍໄຮ້ປະໂຫຍດ;
ຖ້າພະຜູ້ເປັນເຈົ້າບໍ່ປ້ອງກັນບ້ານເມືອງ ທະຫານຢືນຍາມກໍໃຊ້ການຫຍັງບໍ່ໄດ້.
[ເພງສັນລະເສີນ 127:1]
- ວັນທີໂພດສ໌
- 2023. 05. 19
- ຄວາມຮູ້ສຶກ
- 178
