Ka Jingim ki Khristan & ka Snem Thymmai

Kaei Ka Jingim ki Khristan kum ka Mluh bad ka Jingshai ka Pyrthei?

Kum ki Khristan, ngi dei ban long ka mluh bad ka jingshai ka pyrthei katba ngi im. Namar kane, U Blei u la ai ha ngi ka jinghikai: “Kiba shitrhem ha ka mynsiem; kiba shakri ia U Trai; kiba kmen ha ka jingkyrmen; kiba iaishah ha ka jingjynjar; kiba iaineh minot ha ka jingduwai; ha ki jingkyrduh jong ki riewkhuid kiba iasam synei; kiba iabeh brai ia ka jingkhot ieit basa. To long kiba iaieit noh paralok hi; ha ka jingiañiew burom to long kiba iañiew kor paralok hi.”

Ki Dkhot jong ka Balang U Blei ki Ialeh ban Long ki Khristan Kiba Shisha

U Khrist Ahnsahnghong bad Ka Blei Ka Kmie ki la ong haba ngi sngewthuh ia ka jingaiei jong ka jingmap ki pop bad ka jingpynim ba la ai da U Blei bad iasam bad kiwei, ka long ka jingpyndep ia ka hukum ha ka Baibl. Ki Khristan bashisha ki dei ban leh ia ka jingieit U Blei da kajuh ka jingmut.

Namar kata nga kyrpad ia phi, ko para bangeit, na kita ki jingisynei ki jong U Blei . . . Bad to wat pynsyriem ryngkat ia lade bad kane ka pyrthei; hynrei to pynkylla dur noh ia lade kein da ka jingpynthymmai ia ka jingmut jong phi, khnang ba phin ioh tip kaba kumno ka long ka mon ka jong U Blei, kaba bha, bad kaba pynsngewbha eh, bad kaba janai de.
Sha Ki Nong Rom 12:1–2