U Blei U Tynjuh ia ka Dohnud

Kiei Kita Kiba Ngi Dei ban Iakynduh ban Ioh Leit Hapoh ka Hima ki Bneng?

Kumba U Blei u la tynjuh bad pynphrang ia ki dohnud jong ki khun Israel ha ki jinglong bym suk bakhlem pud katba ki don ha ka ri khlaw 40 snem, bunsien ngi shem ia ki ktien U Blei kiba eh ia ngi ban kohnguh da kaba pyrkhat, “Hato nga lah shisha ban bud ia kine ki ktien?” La kumta ruh, U Blei u pynphrang ia ngi kum ia ka ksiar da kaba iarap ia ngi ban kohnguh ia ki ktien khnang ba ngi lah ban kha pat kum ki khun U Blei bad ioh ia ki jingkyrkhu bakynja bneng.

Ki Dkhot ka Balang U Blei ki Wad ia ka Jingkmen bad ka Jingsngewnguh ha Kaei Kaei Baroh

Ka Pollyanna na ka kot Pollyanna ba la pynmih ha Amerika ha ka 1913 ka pynkmen ia ki briew kiba hajan jong ka lyngba ka jingialehkai jong ka, ka “The Glad Game.” Ha kajuh ka rukom, ngi, ki khun U Blei, ngi dei ban leh kmen ha la ka sngi, bad ai ka jingnguh, da kaba pyrkhat shaphang ka jingkyrkhu jong ka Hima ki Bneng badonburom kaba U Blei U Kpa bad Ka Blei Ka Kmie kin theh halor jong ngi.

To phin leh kmen ha la ka sngi. To duwai khlem da pud. Ha kaei kaei baroh to phin ai ka jingnguh . . .
1 Sha Ki Thessaloni 5:16–18

U khiew pynphrang u long ia ka rupa, bad ka lawar ding ia ka ksiar: hynrei U Trai uba tynjuh ia ka dohnud.
Ki Proberb 17:3