ພະເຈົ້າຊົງທົດສອບຈິດໃຈ

[ສິ່ງທີ່ພວກເຮົາຕ້ອງຜ່ານ ເພື່ອເຂົ້າອານາຈັກຂອງພະເຈົ້ານັ້ນແມ່ນຫຍັງ?]

ດັ່ງທີ່ພະເຈົ້າໄດ້ຊົງທົດສອບ ແລະ ຫຼໍ່ຫຼອມຈິດໃຈຂອງຊາວອິດສະລາເອນ ໃນສະຖານະການທີ່ບໍ່ເອື້ອອໍານວຍຢ່າງບໍ່ສິ້ນສຸດ ໃນຂະນະທີ່ພວກເຂົາຢູ່ໃນຖິ່ນແຫ້ງແລ້ງກັນດານ ເປັນເວລາ 40 ປີ, ພວກເຮົາມັກຈະພົບວ່າ ພະຄໍາຂອງພະເຈົ້າ ແມ່ນຍາກສໍາລັບພວກເຮົາ ທີ່ຈະເຊື່ອຟັງດ້ວຍຄວາມຄິດທີ່ວ່າ: ຂ້ອຍສາມາດຕິດຕາມພະຄໍາ ເຫຼົ່ານີ້ໄດ້ແທ້ບໍ? ຢ່າງໃດກໍຕາມ, ພະເຈົ້າຊົງຫຼໍ່ຫຼອມພວກເຮົາດັ່ງຄໍາ ໂດຍໃຫ້ພວກເຮົາເຊື່ອຟັງພະຄໍາຂອງພະອົງ ເພື່ອທີ່ພວກເຮົາຈະສາມາດບັງເກີດໃໝ່ເປັນລູກຂອງພະເຈົ້າ ແລະ ຮັບພະພອນຕ່າງໆແຫ່ງສະຫວັນ.

[ບັນດາຜູ້ເຊື່ອຖືໃນຄິດສະຕະຈັກຂອງພະເຈົ້າ ຄົ້ນພົບຄວາມຊົມຊື່ນຍິນດີ ແລະ ຄວາມສຸກໃນທຸກສະພາບການ]

ພັອລລີແອນນາ ຈາກນະວະນິຍາຍເລື່ອງ ພັອລລີແອນນາ ທີ່ໄດ້ຕີພິມໃນອາເມຣິກາ ໃນປີ 1913 ໄດ້ເຮັດໃຫ້ບັນດາຜູ້ຄົນອ້ອມຮອບຕົວລາວມີຄວາມສຸກ ໂດຍຜ່ານເກມຂອງລາວ “ເກມແຫ່ງຄວາມຊົມຊື່ນຍິນດີ”. ໃນທໍານອງດຽວກັນ, ພວກເຮົາບັນດາລູກແຫ່ງສີໂອນຄວນຊົມຊື່ນຍິນດີ ແລະ ຂອບພະຄຸນຢູ່ສະເໝີ ໂດຍຄິດກ່ຽວກັບພະພອນແຫ່ງອານາຈັກສະຫວັນທີ່ຮຸ່ງເຮືອງ ທີ່ພະເຈົ້າພະບິດາ ແລະ ພະເຈົ້າພະມານດາຈະຊົງຖອກເທລົງມາເທິງພວກເຮົາ.

ຈົ່ງຊົມຊື່ນຍິນດີຢູ່ສະເໝີ ຈົ່ງອ້ອນວອນຢູ່ທຸກເວລາ ຈົ່ງຂອບຄຸນພະເຈົ້າ ໃນທຸກສະພາບການ...
[1 ເທຊະໂລນິກ 5:16-18]

ເບົ້າຫຼອມມີໄວ້ສໍາລັບເງິນ ແລະ ເຕົາຫຼອມມີໄວ້ສໍາລັບຄໍາ ແຕ່ພະເຈົ້າຊົງທົດສອບຈິດໃຈ.
[NIV, ສຸພາສິດ 17:3]