ພາສາສະຫວັນ

[ການເດີນທາງ 40 ປີຂອງຊາວອິດສະລາເອນ ໃນຖິ່ນແຫ້ງແລ້ງກັນດານເປັນຕົວຢ່າງສໍາລັບ ຜູ້ທີ່ຫວັງໃນສະຫວັນ]

ພະເຈົ້າ​ໄດ້ຊົງ​ຝຶກຝົນຊາວ​ອິດສະລາເອນ​ໃຫ້ປະຕິບັດຕາມ​ລະບຽບການ​ຂອງ​ພະອົງ​ເຊັ່ນ: ​ມື້ພະ
ຢູ່​ໃນ​ຖິ່ນ​ແຫ້ງແລ້ງ​ກັນດານ ເພື່ອພວກ​ເຂົາຈະປະຕິບັດຕາມພະບັນຍັດຂອງ​ພະເຈົ້າ​ໃນ​ການາອານ.
ເຊັ່ນ​ດຽວ​ກັນ, ພະເຈົ້າຊົງ​​ໃຫ້​ຜູ້​ທີ່​ຫວັງ​ໃນ​ອາ​ນາ​ຈັກ​ສະ​ຫວັນ​ ໃນ​ຊີ​ວິດ​ປະ​ຈໍາ​ວັນ​ຂອງພວກ​ເຂົາ
ໄດ້​ຮຽນ​ຮູ້​ພາ​ສາ​ສະ​ຫວັນ ເຊິ່ງ​ເປັນ​ພາ​ສາ​ແຫ່ງ​ຄວາມ​ຮັກ, ພາສາແຫ່ງຄວາມເຊື່ອ, ພາສາແຫ່ງ
ຄວາມ​ຫວັງ ແລະ ພາສາແຫ່ງ​ຄວາມພົ້ນ ກ່ອນ​ທີ່​ພວກເຂົາຈະ​ເຂົ້າ​ສູ່​ອາ​ນາ​ຈັກ​ສະ​ຫວັນ.

[ເປັນ​ຫຍັງ​ສະມາຊິກ​ຂອງ​ຄິດສະຕະຈັກຂອງພະເຈົ້າ ​ຈຶ່ງທັກ​ທາຍ​ກັນວ່າ “ພະເຈົ້າ​ອວຍ​ພະພອນຫຼາຍໆ” ຢູ່ສະ​ເໝີ​?]

ຜູ້ທີ່ເວົ້າພາສາສະຫວັນໄດ້ຮັບພະພອນຈາກພະເຈົ້າ. ໂຢຊວຍ ​ແລະ ​ກາເລັບໄດ້​ເຂົ້າ​ສູ່ການາອານ
ແລະ​ ໝູ່​ສາມ​ຄົນ​ຂອງ​ດານີເອນ​ໄດ້​ຮັບ​ການ​ປົກ​ປ້ອງ​ຈາກເຕົາ​ໄຟທີ່ລຸກໄໝ້. ໃນທໍານອງ​ດຽວ​ກັນ,
ຜູ້​ທີ່​ເວົ້າພາ​ສາ​ສະ​ຫວັນ​ຕາມ​ຄໍາ​ສອນ​ຂອງ​ພະຄິດ ພະອັນຊັງໂຮງ ແລະ ​ພະເຈົ້າພະມານດາ
​ກໍສາ​ມາດ​ເຂົ້າ​ສູ່​ອາ​ນາ​ຈັກ​ສະ​ຫວັນທີ່​ນິ​ລັນ​ດອນໄດ້​.

ພວກເຮົາທຸກຄົນເຮັດຜິດພາດຢູ່ເລື້ອຍໆ. ແຕ່ຖ້າບຸກຄົນໜຶ່ງບໍ່ໄດ້ເຮັດຜິດພາດທາງວາຈາ ລາວກໍເປັນຄົນດີຄົບຖ້ວນ ແລະ ບັງຄັບທັງຕົວໄວ້ໄດ້... ລີ້ນກໍຄືກັນນັ້ນແຫຼະ
ເປັນອະໄວຍະວະສ່ວນນ້ອຍໆ ແຕ່ສາມາດຄຸຍໂມ້ເຖິງເລື່ອງໃຫຍ່ໆໄດ້. ຈົ່ງຄິດເບິ່ງ
ແປວໄຟພຽງເລັກນ້ອຍກໍຍັງສາມາດເຜົາຜານປ່າໄມ້ໃຫຍ່ໄດ້. ລີ້ນກໍເປັນດັ່ງໄຟ. ມັນເປັນຄື
ໂລກແຫ່ງສິ່ງຊົ່ວຮ້າຍຄອບຄອງຢູ່ໃນຮ່າງກາຍຂອງພວກເຮົາ ແລະ ເຮັດໃຫ້ເປື້ອນເປິ
ໄປທົ່ວທັງຮ່າງກາຍ. ມັນເປັນເຊື້ອໄຟທີ່ເຜົາໄໝ້ວົງກະແສແຫ່ງຊີວິດ ເປັນໄຟມາຈາກນະຮົກ.
[ຢາໂກໂບ 3:2-6]