ຈົ່ງເອົາຊະນະຕໍ່ການທົດລອງ ແລະ ຮັບເອົາອານາຈັກສະຫວັນ

ເນື່ອງຈາກວ່າ ພະເຈົ້າຊົງປະທານພະພອນແຫ່ງສະຫວັນ
ແກ່ບັນດາລູກຂອງພະອົງ ໂດຍຜ່ານທຸກໆການນະມັດສະການ,
ການກະທຳແຫ່ງຄວາມເຊື່ອໃນພະເຈົ້າ
ແລະ ການເຄົາລົບພະເຈົ້ານັ້ນ ແມ່ນຄວາມຊົມຊື່ນຍິນດີ ແລະ ຄວາມສຸກ.

ສະມາຊິກຂອງຄິດສະຕະຈັກຂອງພະເຈົ້າ ເອົາຊະນະຕໍ່ການທົດລອງທັງໝົດ
ດ້ວຍຄວາມຫວັງແຫ່ງສະຫວັນ

ຊີວິດແຫ່ງຄວາມເຊື່ອທີ່ເປັນພັນທະໜ້າທີ່ ເຊິ່ງປາສະຈາກຄວາມຫວັງແຫ່ງສະຫວັນ
ໄດ້ນໍາມາເຊິ່ງການທົດລອງ. ພວກເຮົາຕ້ອງບໍ່ຕິດຕາມທາງຂອງອາດາມ ແລະ ເອວາ
ຜູ້ທີ່ໄດ້ຜ່າຍແພ້ ດ້ວຍເລ້ຫຼ່ຽມຂອງຊາຕານ, ແຕ່ຈົ່ງມີຄວາມເຊື່ອ ທີ່ສົມບູນເໝືອນດັ່ງໂຢບ,
ແລະ ເຄົາລົບພະເຈົ້າຈົນເຖິງສຸດທ້າຍ, ແລະ ເອົາຊະນະຕໍ່ການທົດລອງ
ໂດຍຜ່ານພະຄຳຂອງພະເຈົ້າ ໂດຍຕິດຕາມແບບຢ່າງຂອງພະເຢຊູ.

ພະພອນແຫ່ງສະຫວັນ ທີ່ພະເຈົ້າພະອັນຊັງໂຮງ
ແລະ ພະເຈົ້າພະມານດາຊົງປະທານແກ່ພວກເຮົາ

ການທົດລອງທາງໂລກທັງໝົດ ທີ່ຂັດຂວາງທາງໄປສູ່ສະຫວັນ ລ້ວນແຕ່ແມ່ນການທົດສອບ.
ເໝືອນດັ່ງທີ່ຊາວອິດສະລາເອນ ໄດ້ຖືກທົດສອບໃນທຸກໆໄລຍະເວລາ ຢູ່
ຖິ່ນແຫ້ງແລ້ງກັນດານເປັນເວລາ 40 ປີ, ສະມາຊິກຂອງຄິດສະ
ຕະຈັກຂອງພະເຈົ້າ ຜູ້ທີ່ມຸ່ງໜ້າໄປສູ່ການາອານແຫ່ງສະຫວັນ ໄດ້ຮັບການທົດສອບ
ແຕ່ຈະສາມາດຊະນະຕໍ່ການທົດສອບ ແລະ ຮັບພະພອນແຫ່ງສະຫວັນໃນທ້າຍສຸດໄດ້
ຖ້າພວກເຮົາມີຄວາມເຊື່ອ ທີ່ສົມບູນໃນພະເຈົ້າພະບິດາ ແລະ ພະເຈົ້າພະມານດາ.

“ເພາະເຈົ້າໄດ້ຖືຮັກສາຄໍາສັ່ງຂອງເຮົາ ໃຫ້ມີຄວາມອົດທົນຢ່າງພາກພຽນ
ເຮົາຈະຮັກສາເຈົ້າໄວ້ໃຫ້ພົ້ນຄືກັນ ຈາກຄາວຍາກລຳບາກ ທີ່ຈະມີເທິງໂລກນີ້
ເພື່ອທົດສອບປະຊາຊົນທຸກຖ້ວນໜ້າເທິງແຜ່ນດິນໂລກ.” ພະນິມິດ 3:10