ចូរឈ្នះសេចក្តីល្បួង ហើយទទួលបាននគរស្ថានសួគ៌

ដោយសារព្រះប្រទានព្រះពរនៃស្ថានសួគ៌ដល់កូនៗទ្រង់តាមរយៈការថ្វាយបង្គំ
ដូច្នេះការប្រព្រឹត្តនៃការជឿលើព្រះ និងកោតខ្លាចដល់ព្រះ
គឺជាភាពរីករាយ និងក្តីអំណរផ្ទាល់តែម្ដង។

សមាជិកពួកជំនុំនៃព្រះយកឈ្នះអស់ទាំងសេចក្តីល្បួង
ដោយមានក្តីសង្ឃឹមចំពោះស្ថានសួគ៌

ជីវិតនៃសេចក្តីជំនឿ ដែលគ្រាន់តែធ្វើតាមទម្លាប់
ដោយគ្មានក្តីសង្ឃឹមចំពោះស្ថានសួគ៌ នោះនាំមកនូវសេចក្តីល្បួង នៅទីបំផុត។
យើងមិនត្រូវដើរតាមផ្លូវដែលអ័ដាម និងអេវ៉ាបានចាញ់ល្បិចកលរបស់សាតាំងឡើយ
ប៉ុន្តែចូលមានសេចក្តីជំនឿ ដែលគ្មានលក្ខខណ្ឌដូចជាយ៉ូបវិញ
ហើយកោតខ្លាចដល់ព្រះ រហូតដល់ចុងបំផុត ព្រមទាំងឈ្នះសេចក្តីល្បួង
ដោយព្រះបន្ទូលរបស់ព្រះ ដូចជាព្រះយេស៊ូវបានធ្វើតម្រាប់ទុកឲ្យ។

ព្រះពរនៃស្ថានសួគ៌ ដែលព្រះអាន់សាំងហុង និងព្រះមាតាបានប្រទាន

អស់ទាំងការបោកបញ្ឆោតខាងលោកិយ ដែលរារាំងផ្លូវរបស់យើង
ទៅឯស្ថានសួគ៌ នោះហើយជាសេចក្តីល្បួង។
ដូចជនជាតិអ៊ីស្រាអែលបានត្រូវល្បួង ក្នុងគ្រប់ពេលវេលា នៅទីរហោស្ថានអស់៤០ឆ្នាំ
សមាជិកពួកជំនុំនៃព្រះដែលកំពុងដើរឆ្ពោះទៅស្រុកកាណានស្ថានសួគ៌
ក៏នឹងត្រូវប្រឈមមុខនឹងសេចក្តីល្បួងដូច្នោះដែរ
ប៉ុន្ដែបើយើងមានសេចក្តីជំនឿគ្មានលក្ខខណ្ឌលើព្រះវរបិតា និងព្រះមាតា
នោះយើងអាចយកឈ្នះសេចក្តីល្បួងទាំងនោះបាន
ហើយក៏ទទួលបានព្រះពរនៃស្ថានសួគ៌ នៅទីបញ្ចប់។

ហើយ​ដោយ​ព្រោះ​ឯង​បាន​កាន់​តាម​រឿង ពី​សេចក្តី​អត់ធ្មត់​របស់​អញ
នោះ​អញ​នឹង​រក្សា​ឯង​ឲ្យ​រួច​ពី​វេលា​ល្បង ដែល​ត្រូវ​មក​លើ​លោកីយ៍​ទាំង​មូល
ដើម្បី​នឹង​ល្បង​ល​ដល់​ពួក​អ្នក ដែល​នៅ​លើ​ផែនដី​ទាំង​ប៉ុន្មាន វិវរណៈ ៣:១០