Ka Jingtynjuh Kaba Wan Jia Halor ka Pyrthei Baroh Kawei

Ngi Donkam ka Jingngeit Kabym Khih ban Jop ia ka Jingtynjuh Kaba Wan Jia Halor ka Pyrthei Baroh Kawei

Ki jingtynjuh ki wan halor ki khun Israel ha man la ka khyllipmat jong ka jingiaid lynti kaba 40 snem jong ki ha ka ri khlaw 3,500 snem mynshuwa. Kumjuh ruh, mynta, ki jingtynjuh ki wan halor jong ngi lyngba ki jingpang kum ka COVID-19 kaba ka pyrthei baroh kawei ka shitom, bad lyngba shibun ki jingeh kiba ngi iakynduh ha ka lynti ka jingngeit jong ngi.

Ka Kyrteng Bathymmai U Ahnsahnghong bad Ka Jerusalem Ka Kmie Bahabneng la Pynpaw Tang sha Kita Kiba Jop

U Jisu u ai ia ka rukom kumno ban jop ia ki jingpynshoi u Soitan. Ha kita kiba jop ia baroh ki jingpynshoi khlem da khih hapoh kano kano ka jinglong kumba la jop U Jisu, U Blei u pynpaw ia ka kyrteng bathymmai jong U Jisu bad ia ka Jerusalem Ka Kmie Bahabneng kiba la wan hiar na Bneng.

“Naba pha la ri skhem ia ka ktien ka jingiaishah jong nga, te nga ruh ngan ri kyndong ia pha na kata ka por jong ka jingtynjuh, kaban sa jia long ha ka pyrthei baroh kawei, ban tynjuh kein ia kita kiba shong ha ka khyndew. Ha khmih, nga wan kloi: to bat skhem ia kata kaba pha don, ba uno uno ruh un ym shim ia ka pansngiat jong pha.”
Ka Jingpynpaw 3:10‒11