တစ်ကမ္ဘာလုံးအပေါ် ရောက်လာသော စုံစမ်းခြင်း

တစ်ကမ္ဘာလုံးအပေါ် ကျရောက်လာသော စုံစမ်းခြင်းကို ကျော်လွှားအောင်မြင်ရန်အတွက် မယိမ်းယိုင်သည့် ယုံကြည်ခြင်း လိုအပ်ပါသည်။

လွန်ခဲ့တဲ့နှစ်ပေါင်း (၃,၅၀၀)တုန်းက ဣသရေလလူမျိုးတွေရဲ့ နှစ်(၄၀) သဲကန္တာရခရီးထဲမှာ စုံစမ်းမှုတွေက အချိန်တိုင်း ရောက်လာခဲ့ပါတယ်။ ဒီလိုပါပဲ၊ ဒီနေ့မှာလည်း စုံစမ်းခြင်းတွေက တစ်ကမ္ဘာလုံးခံစားနေရတဲ့ ကိုဗစ်-၁၉လိုမျိုး ရောဂါအားဖြင့်ဖြစ်စေ၊ ကျွန်တော်တို့ရဲ့ယုံကြည်ခြင်းခရီးမှာ ကြုံတွေ့ရတဲ့ အခက်အခဲအမျိုးမျိုးအားဖြင့်ဖြစ်စေ ကျွန်တော်တို့အပေါ်ကို ကျရောက်လာပါတယ်။

အောင်မြင်သောသူထံသာ ထုတ်ဖော်ပြသခဲ့သည့် နာမသစ်အန်ဆန်ဟုန်းနှင့် ယေရုရှလင်ကောင်းကင်အမေ

ကျွန်တော်တို့ဟာ စာတန်ရဲ့စုံစမ်းမှုတွေကို ဘယ်လိုမျိုးကျော်ဖြတ်ရမလဲဆိုတာကို ယေရှုခရစ်က ပုံသက်သေပြခဲ့ပါတယ်။ ယေရှုခရစ်လိုမျိုး ဘယ်အခြေအနေထဲမှာမှ မယိမ်းယိုင်ဘဲ၊ စုံစမ်းခြင်းအားလုံးကို ကျော်ဖြတ်အောင်မြင်တဲ့သူတွေဆီကို ဘုရားသခင်ဟာ ယေရှု့ခရစ်ရဲ့နာမသစ်နဲ့ ကောင်းကင်ကနေဆင်းသက်လာတဲ့ ကောင်းကင်ယေရုရှလင်ကို ထုတ်ဖော်ပြသမှာဖြစ်ပါတယ်။

သင်သည် ငါ၏သည်းခံခြင်းနှင့်စပ်ဆိုင်သော နှုတ်ကပတ်တရားကို စောင့်ရှောက်သောကြောင့်၊ မြေကြီးအပေါ်၌ နေသောသူတို့ကို စုံစမ်းစေခြင်းငှာ၊ လောကီနိုင်ငံအရပ်ရပ်တို့ကို နှံ့ပြားလတ္တံ့သော စုံစမ်းရာ ကာလတွင်၊ သင့်ကို ငါစောင့်ရှောက်မည်။ ငါသည် အလျင်အမြန်လာမည်။ သင်၏ သရဖူကို အဘယ်သူမျှမယူစေခြင်းငှာ၊ ရခဲ့ပြီးသောအရာကို စွဲကိုင်လော့။
ဗျာဒိတ်ကျမ်း ၃:၁၀-၁၁