Ka Sngi Ba Ngi Ïeng Hakhmat U Blei
Ki Jingkhein jong ka jingpeit 4 Sien #Ka Jingkyrmen #Ka Jingngeit #Ka Jinglong BahokKa Balang U Blei Ka Dei Ka Mluh Bad Ka Jingshai Kaba Beh Noh Ïa Ka Jingdum Bad Pynkhuid Ïa Ka Jingsniew.
Ynda ki khun U Blei ki kylla long ka mluh bad ka jingshai jong ka pyrthei kat kum ki jinghikai U Blei, ki pynpaw ïa ka burom U Blei lyngba ki kam babha jong ki, bad ki ïalam ïa u bynriew sha U Blei da ka jingshisha jong ka jutang bathymmai, U Blei un sngewbha bad un ai ïa ki ïa ki jingkyrkhu kiba tuid ha ka sngi ba kin ïeng ha khmat jong U.
Ha Ka Sngi Ba Ngi Ïeng Ha Khmat U Blei, Kiba Kin Ïoh Ïa Ka Jingaiei Jong Ka Jingpynim Bad Kiba Sa Shah Bishar.
Lada ngi la pdiang ïa U Khrist Ahnsahnghong bad Ka Kmie Bahabneng ka Jerusalem ha ka juk jong U Mynsiem Bakhuid, nangne shakhmat, ngi dei ban bret noh ïa ki jingmlien basniew kiba ngi la ïoh jinghikai na ka pyrthei bad ban phong ïa ka jinglong bathymmai kum ki Khristan. Katba kane ka pyrthei ka nang duh noh ïa ka jinglong riewblei jong ka bad ka nang kylla long kaba bakla bad kaba sniew, ngi dei ban sngewthuh ba ka sngi bishar U Blei ka la jan, kumba ha ki sngi u Noah bad u Lot, bad im ka jingim riewblei kaba kham bun.
Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi. Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de. Rom 12:1–2
- Ka Tarik Buh
- 2026 Jul 3
- Ka Jingsngewlem
- 0
