Ko e ʻAho te Tau Tuʻu ai ʻi he ʻAo ʻo e ʻOtua՛

Ko e Siasi ʻo e ʻOtua ko e Māsima mo e Māama ʻOku Ne Teʻekiʻi Atu ʻa e Fakapoʻuli pea Fakamaʻa ʻa e Kovi

ʻI he taimi ʻoku hoko ai e fānau ʻa e ʻOtua՛ ko e māsima mo e maama ʻo e māmani՛ ʻo fakatatau ki he ngaahi akonaki ʻa e ʻOtua՛, fakaʻaliʻali ʻa e lāngilangi ʻo e ʻOtua՛ ʻi heʻenau ngaahi ngāue lelei՛, pea tataki ʻa e faʻahinga ʻo e tangata ki he ʻOtua՛ ʻaki ʻa e moʻoni ʻo e fuakava foʻou՛, ʻe hōifua ʻa e ʻOtua՛ pea foaki kiate kinautolu ha ngaahi tāpuaki fonu mahuohua ʻi he ʻaho te nau tuʻu ai ʻi Hono ʻao՛.

ʻI he ʻAho te Tau Tuʻu ai ʻi he ʻAo ʻo e ʻOtua՛, Ko Kinautolu Te Nau Maʻu ʻa e Kelesi ʻo e Fakamoʻui՛ mo Kinautolu ʻe Fakamāuʻi՛

Kapau kuo tau maʻu ʻa Kalaisi Ahnsahnghong mo Selusalema ko e Fa‘ē Fakahevani ʻi he kuonga 'o e Laumalie Ma'oni'oni՛, mei he taimi՛ ni ʻo fai atu, kuo pau ke tau liʻaki ʻa e ngaahi ʻulungaanga kovi naʻe ako mei he māmani՛ pea ʻai ʻa e moʻui foʻou ko e kau Kalisitiane՛. ʻI he fakaʻau ke mole atu mei he māmani ko ʻeni ʻa ʻene anga faka-ʻOtua pea hoko ʻo paongataʻa mo faiangahala, kuo pau ke tau ʻiloʻi ʻoku ofi ʻa e ʻaho ʻo e fakamaau ʻa e ʻOtua՛, ʻo hangē pē ko e ngaahi ʻaho ʻo Noa mo Lote՛, pea moʻui anga faka-ʻOtua lahi ange.

Ko ia, ‘oku ou enginaki atu, kāinga, ‘i he funga ‘o e ngaahi fai manava‘ofa ‘a e ‘Otua՛, ke mou ‘atu ‘a e ngaahi sino ‘omoutolu ko e feilaulau, ke mo‘ui, ke tapu ki he ‘Otua, ke fakahōifua kiate ia–ko e fakaloto ē ‘o ho‘omou fai e lotu՛. Pea ke ‘oua na‘a mou tuku ke fakaangatatau kimoutolu ki he maama ko eni՛; kae tuku ke fai ai pē homou liliu, he fakafo‘ou ‘o homou ‘atamai՛, ke mou sivi ‘o ‘ilo pe ko e hā ‘a e finangalo ‘o e ‘Otua՛, ‘a e me‘a ‘oku lelei, ‘a e me‘a te ne hōifua ai՛, ‘a e me‘a ‘oku haohaoa՛. Loma 12:1–2