Kereke ya Modimo ke Letswai le Seetša Seo se Rakago Lefsifsi le go Hlwekiša Bobe
Ge bana ba Modimo e eba letswai le seetša sa lefase go ya ka dithuto tša Modimo, ba bontšha letago la Modimo ka mediro ya bona ye mebotse, gomme ba iša batho go Modimo ka therešo ya kgwerano e mpsha, Modimo o tla thaba gomme a ba fa ditšhegofatšo tše di tletšego ka letšatši leo ba tlago go ema pele ga gagwe.
Ka Letšatši leo re Emago Pele ga Modimo, Bao ba Tlago go ba le Kgaugelo ya Phološo le Bao ba Tlago go Ahlolwa
Ge eba re amogetše Kreste Ahnsahnghong le Mma wa Magodimong wa Jerusalema mo mohleng wa Moya o Mokgethwa, go tloga bjale go ya pele, re swanetše go lahla mekgwa e mebe yeo re e ithutilego lefaseng gomme re apare semelo se seswa bjalo ka Bakriste. Ge lefase le le dutše le lahlegelwa ke borapedi bja lona ka mo go oketšegago gomme le fetoga le le kgopo le le kgopo, re swanetše go lemoga gore letšatši la kahlolo ya Modimo le kgauswi, go fo swana le mehleng ya Noa le Lota, gomme re phele maphelo a borapedi le go feta.
Bjale lena bana bešo, ke a le rapela ka go bona mabobo a Modimo, ke re: Tlišang mebele ya lena, e be sedimo se se phelago, se sekgethwa, sa go kgahla Modimo; e be gona go direla Modimo ka mo go swanetšego. Le se ke la ipapetša le ba mehla yeno; šatogang ka go mpshafala kgopolo, gore le tle le hlaologanye se e lego thato ya Modimo, e lego se botse le se se kgahlišago, se e lego sa botlalo. Baroma 12:1–2
- Post Date
- 2026 Jul 3
- Emotion
- 0
