Mwnakmano Rwkhlaiwi Rohorrwi tei Hamyano Kwchẃng Khlainai A Som tei Chati Wng Kha Kaitorni Motha Se
Kaitorni bwsarok Kaitorni phrwngmungrokni mote khe swngcharni som tei chati wngwi bachaui phai phuru khe, bórokni kaham samungrokni bising tẃi khe Kaitorni chẃngsachano phunuk phuru khe tei swmai kwtalni kubui bai khe bororokno Kaitorni aro tẃither phuru khe, Kaitor khá phur jak anw tei bórok Kaitorni bwskango Ma bachamani a salo Bó bórokno beglairwui hamarirok rw anw.
Chwng Kaitorni Bwskango Ma Bachamani A Salo, Mwthangjakmungni Khairokmungno Mannairok bai Buj Thumjaknairok
Tumung chwng o Phola Kwtharni molo Khristo Ahnsahnghong bai Chuknohani Ama Jerusalemno yachak kha hwn khe, tabukni simi, chwng swngcharni srwngmani a loi hamyarokno khibiui rohorwi tei Khristianrok wngwi tongmung kwtalno se chumnani nangnai. O swngchar Kaitorno kiri ya wngrwrwk wngwi tei gwdna kwrak tei hamya wngwi phai phano, chwng Noa bai Lotni jorani hai kheno, Kaitorni buj thummungni sal gandarwi phai kha hwnwi sinani nangnai, hakhe teibo se Kaitorno kiriui tongnani nangnai.
Abo baino takhukrok, Kaitor chwngno belai khe maya cháui tongma bai ang norokno o kók sa ja-o: Kaitorni thani pun tok ratharwi yapharma hai norok kwthangwi’-no sakno Kaitorni thani yaphar di, bini yago yapharjakna tẃi khe, phiya bo bai hamjakna tẃi khe sakno yaphar di. Omo se sóini surimung, omo hai khe se norok suri thai. O swngcharni tongmung chámung bai ta tong di, tamo khe Kaitorno norokni bwkha kwtal khlai rwui tongmung kwtal tong di. Hakhe Kaitor tamo nai abo norok saui man anw bubo ba kaham, bubo ba bo hamjak, bubo ba sói, abo saui man anw. Rum 12:1–2
- আগের তারিখ
- 2026 Jul 3
- সহানুভূতি
- 1
