Waldaan Waaqayyoo soogiddaafi ifa dukkana ari'ee hamaa qulqulleessudha.
Ijoolleen Waaqayyoo akka barsiisa Waaqayyootti soogiddaafi ifa biyya lafaa ta’anii, hojii gaggaarii isaaniitiin ulfina Waaqayyoo yommuu mul’isan, dhugaa kakuu haaraatiinis dhala namaa gara Waaqayyootti yommuu geessan, guyyaa fuula isaa dura dhaabbatanitti Waaqayyo ni gammada, eebba dhangala’aas isaaniif kenna.
Guyyaa Waaqayyo Duratti Dhaabannu, Warra Ayyaana Fayyinaa Argataniifi Warra Itti Murteeffamu
Bara Hafuura Qulqulluutti Kiristoos Aansaanghoong fi Haadha Waaqarraa Yerusaalem yoo fudhanne, ammaa eegalee amala badaa biyya lafaa irraa baranne ofirraa gatnee akka Kiristaanaatti nama haaraa uffachuu qabna. Akkuma biyyi lafaa kun caalaatti Waaqayyoon sodaachuu dhiisaa, jallinaafi hamminni itti baay'achaa deemuun, akkuma bara Nohii fi Looxitti guyyaan firdii Waaqayyoo akka dhiyaate hubannee, caalaatti jireenya Waaqayyoon sodaachuu jiraachuu qabna.
Kanaafuu yaa obboloota, akka isin dhagna keessan aarsaa jiraataa, qulqullaaʼaa fi kan Waaqa gammachiisu gootanii dhiʼeessitaniif ani gara laafina Waaqaatiin isin kadhadha; kunis waaqeffannaa keessan kan hafuuraa ti. Fedhiin Waaqaa gaariin, gammachiisaanii fi kan mudaa hin qabne maal akka taʼe qorattanii akka mirkaneessuu dandeessaniif haaromfamuu qalbii keessaniitiin geeddaramaa malee addunyaa kana hin fakkaatinaa. Roomaa 12:1–2
- Post Date
- 03-Ado-2026
- Emotion
- 0
