O le Ekalesia a le Atua o le masima ma le malamalama lea e tuliesea le pogisa ma faamamaina le leaga
Pe a avea fanau a le Atua ma masima ma malamalama o le lalolagi e tusa ai ma aoaoga a le Atua, faaali atu le mamalu o le Atua e ala ia latou galuega lelei, ma taitai atu tagata i le Atua i le moni o le feagaiga fou, o le a fiafia le Atua ma tuuina atu ia i latou faamanuiaga tele i le aso latou te tutu ai i Ona luma.
O le aso tatou te tutu ai i luma o le Atua, o i latou o e o le a maua le alofa tunoa o le faaolataga ma i latou o le a faamasinoina.
Afai ua tatou mauaina Keriso Ahnsanghong ma Ierusalema Tina Faalelagi i le vaitaimi o le Agaga Paia, mai le taimi nei, e tatau ona tatou lafoai ese mausa leaga na aoaoina mai le lalolagi ma ofu i le tagata fou o ni Kerisiano. A o faasolo ina leiloa le amioatua o lenei lalolagi ma avea ma mea pi'opi'o ma le leaga, e tatau ona tatou iloa ua latalata le aso faamasino a le Atua, e pei lava o aso o Noa ma Lota, ma ia atili ai ona ola i ni olaga amioatua.
O lenei, le au uso e, ou te aioi atu ia te outou, ona o le alofa mutimuti vale o le Atua, ia outou tuuina atu o outou tino i le Atua, o le taulaga ola, ma le paia, ma le mālie, o le mea lea e tatau ai ona outou faia. Aua foi tou te amio faatasi ma lenei lalolagi, a e peitai ia liliuina i le toe fuataiina o outou loto, ina ia outou suesue pe se a le finagalo o le Atua, o mea ua lelei, ma le mālie, ma le atoatoa. Roma 12:1–2
- Aso Tusia
- 2026 Jul 3
- Tigāalofa
- 0
