Lai ka long Kawei? Jubab ïa ka Jingmaïan jong Lai ha Uwei

U Khrist Ahnsahnghong, U Nongpynim ha ka Juk jong U Mynsiem Bakhuid Uba la Thaw ïa ki Bneng bad Kiei Kiei Baroh

Kumba ka um, u thah, bad ka jynhaw ki don ki dur bad ki kyrteng bapher bapher, hynrei ha ka nongrim ki long kajuh ka jinglong, H₂O, kumta ruh U Blei U la paw ha ki dur bapher bapher bad da ki kyrteng bapher bapher ha man la ka juk — kum U Kpa, U Khun, bad U Mynsiem Bakhuid — ban pyndep ïa ka kam jong ka jingpynim jong U, hynrei ha ka nongrim U long tang uwei U Blei.

Ka Baibl ka hikai ba U Blei U Kpa U Jehobah, U Blei U Khun U Jisu Khrist, bad U Blei U Mynsiem Bakhuid ki long uwei U Blei. U Mynsiem Bakhuid U Khrist Ahnsahnghong U long U Blei uba la thaw ïa ki bneng bad ka khyndew. U long ujuh U Blei hi uba la pynïakhlad ïa ka Duriaw Basaw ban pynim ïa ki Israel 3,500 snem mynshuwa, bad uba la shah shitom halor ka diengphna 2,000 snem mynshuwa ban map ïa ki pop jongngi.