ಮರಣದಂಡನೆಗೆ ಗುರಿಯಾದ ಕೈದಿಗಳಿಗೆ ಆಶ್ರಯವಾಗಿರುವ ಆಶ್ರಯನಗರದ ರಹಸ್ಯವನ್ನು ಕ್ರಿಸ್ತ ಅನ್ ಸಂಗ್ ಹೊಂಗ್ ರವರು ಪ್ರಕಟಪಡಿಸಿದರು

ಹಳೆ ಒಡಂಬಡಿಕೆಯಲ್ಲಿ ಮೋಶೆಯ ನಿಯಮದಡಿಯಲ್ಲಿ, ಕೊಲೆಗಾರರಿಗೆ ಮರಣದಂಡನೆ ವಿಧಿಸಲಾಗುತ್ತಿತ್ತು, ಆದರೆ ಆಕಸ್ಮಿಕವಾಗಿ ಯಾರನ್ನಾದರೂ ಕೊಂದವರು ಆಶ್ರಯನಗರಕ್ಕೆ ಓಡಿಹೋದರೆ ಬದುಕುಳಿಯಬಹುದಿತ್ತು. ಎಷ್ಟಾದರೂ, ಅವರು ತಮ್ಮ ಕುಟುಂಬದವರ ಬಳಿಗೆ ಹಿಂತಿರುಗಲು ಇದ್ದ ಏಕೈಕ ಮಾರ್ಗವೆಂದರೆ ಮಹಾಯಾಜಕನ ಮರಣವಾಗಿತ್ತು.

ಆಶ್ರಯನಗರದ ನಿಯಮವು ಆತ್ಮಿಕ ಲೋಕವನ್ನು ಪ್ರಕಟಡಿಸುವ ನೆರಳಿನಂತೆ ಕಾರ್ಯನಿರ್ವಹಿಸುವ ಒಂದು ವ್ಯವಸ್ಥೆಯಾಗಿದೆ. ಇಡೀ ಮನುಕುಲವು ಪರಲೋಕದಲ್ಲಿ ಮರಣದಂಡನೆಗೆ ಗುರಿಯಾದ ಪಾಪಿಗಳಾಗಿದ್ದಾರೆ ಮತ್ತು ಆತ್ಮಿಕ ಆಶ್ರಯನಗರವಾದ ಈ ಭೂಮಿಗೆ ಸೀಮಿತವಾಗಿದ್ದಾರೆ. ಆದರೂ, ಮಹಾಯಾಜಕನಾದ ಯೇಸು ತಮ್ಮ ಮರಣದ ಮೂಲಕ ಸ್ಥಾಪಿಸಿದ ಹೊಸ ಒಡಂಬಡಿಕೆಯ ಪಸ್ಕ ಹಬ್ಬದ ಮೂಲಕ, ನಾವು ನಮ್ಮ ಆತ್ಮಿಕ ಮನೆಯಾದ ಪರಲೋಕರಾಜ್ಯಕ್ಕೆ ಹಿಂತಿರುಗಬಹುದು.