ການອະທິຖານ ແລະ ລິດອຳນາດແຫ່ງພະວິນຍານບໍລິສຸດ

[ບັນດາສະມາຊິກຂອງຄິດສະຕະຈັກຂອງພະເຈົ້າ ໄດ້ຮັບພະວິນຍານບໍລິສຸດ ໃນເທດສະການເພັນເຕກັອດ ດ້ວຍການອະທິຖານຢ່າງໃຈຈົດຈໍ່ ເໝືອນດັ່ງບັນດາຜູ້ເຊື່ອຖືຂອງຄິດສະຕະຈັກຕອນຕົ້ນ]

ພະເຈົ້າໄດ້ຊົງຕອບຄຳອະທິຖານຂອງດານີເອນ ແມ່ນແຕ່ກ່ອນທີ່ການອະທິຖານຂອງລາວໄດ້ສິ້ນສຸດລົງ,
ເໝືອນດັ່ງໄດ້ຊົງປະທານລິດອໍານາດແຫ່ງພະວິນຍານບໍລິສຸດ ເພື່ອນຳພາ 3.000 ຄົນໃຫ້ກັບໃຈປ່ຽນໃໝ່
ຜ່ານການອະທິຖານໃນເທດສະການເພັນເຕກັອດ. ໃນທຳນອງດຽວກັນ,
ພວກເຮົາຕ້ອງອະທິຖານຢ່າງໃຈຈົດຈໍ່ຢູ່ສະເໝີ ໂດຍເຊື່ອວ່າ ພາລະກິດທັງໝົດຂອງພະເຈົ້າ
ຈະສໍາເລັດໂດຍຜ່ານການອະທິຖານ.

[ພະເຈົ້າ ພະອັນຊັງໂຮງ ແລະ ພະເຈົ້າພະມານດາ ຊົງປະທານໃຫ້ ໃນສິ່ງທີ່ຂໍ
ແລະ ຊົງໃຫ້ພົບ ໃນສິ່ງທີ່ຊອກຫາ]

ໂດຍຜ່ານຄໍາອະທິຖານທີ່ຈິງໃຈຂອງເອລີຢາ ຜູ້ທີ່ໄດ້ເອົາຊະນະຜູ້ປະກາດພະຄຳປອມ 850 ຄົນ ພຽງລໍາພັງ;
ແລະ ການອະທິຖານຢ່າງໃຈຈົດຈໍ່ຂອງໂຢຊວຍ ໄດ້ເຮັດໃຫ້ດວງອາທິດ ແລະ ດວງຈັນຢຸດໃນຂະນະໜຶ່ງ.
ດັ່ງທີ່ໄດ້ເຫັນໂດຍຜ່ານກໍລະນີຕ່າງໆເຫຼົ່ານີ້, ນັ້ນແມ່ນໂດຍຜ່ານການອະທິຖານ
ທີ່ພະເຈົ້າໄດ້ຊົງປະທານຄວາມສາມາດ ໃນການເອົາຊະນະຕໍ່ອຸປະສັກທັງໝົດແກ່ພວກເຮົາ.

“ຈົ່ງຂໍ ແລະ ພວກທ່ານກໍຈະໄດ້ຮັບ; ຈົ່ງຊອກຫາ ແລະ ພວກທ່ານກໍຈະໄດ້ພົບ;
ຈົ່ງເຄາະ ແລະ ຈະໄດ້ມີຜູ້ໄຂປະຕູໃຫ້ພວກທ່ານ. ດ້ວຍວ່າທຸກໆຄົນທີ່ຂໍກໍຈະໄດ້ຮັບ;
ຜູ້ໃດຜູ້ໜຶ່ງທີ່ຊອກຫາກໍຈະໄດ້ພົບ; ແລະ ຜູ້ໃດທີ່ເຄາະກໍຈະໄດ້ມີຜູ້ໄຂປະຕູໃຫ້.”
[ມັດທາຍ 7:7-8]

ເຫດສະນັ້ນ ເພື່ອນທີ່ຮັກທັງຫຼາຍຂອງເຮົາເອີຍ ຖ້າໃຈຂອງພວກເຮົາບໍ່ກ່າວໂທດໃສ່ພວກເຮົາ
ພວກເຮົາກໍມີໃຈກ້າມາຢູ່ຊ້ອງໜ້າພະເຈົ້າ. ເມື່ອພວກເຮົາຂໍສິ່ງໃດຈາກພະອົງ ພວກເຮົາກໍໄດ້ສິ່ງນັ້ນ;
ເພາະພວກເຮົາ ເຊື່ອຟັງຂໍ້ຄໍາສັ່ງຂອງພະອົງ ແລະ ປະຕິບັດຕາມສິ່ງທີ່ພໍໃຈພະອົງ.
[1 ໂຢຮັນ 3:21-22]