Ka Jingduwai bad ka Bor jong U Mynsiem Bakhuid

Ki Dkhot jong ka Balang U Blei Ki Ioh Diang ia U Mynsiem Bakhuid ha ka Sngi Pentekost da kaba Duwai Shitrhem Kum ki Riewkhuid jong ka Balang Bamynshuwa

U Blei u la jubab ia ka jingduwai U Daniel wat ha shuwa ba un dep ban duwai, bad U la ai ia ka bor jong U Mynsiem Bakhuid ban ialam 3,000 ngut sha ka jingkylla bamut ha ka Sngi Pentekost kum ka jubab jong ka jingduwai. Kumjuh ruh, ngi donkam ban duwai minot ha la ka sngi, da kaba ngeit ba baroh ka kam jong U Blei la pyndep da ka jingduwai.

U Blei Ahnsahnghong bad Ka Blei Ka Kmie Ki Ai Ia Ngi Ia Kaei Kaba Ngi Pan bad Ngi lah Shem Ia Kaei Kaba Ngi Wad

U Elijah marwei hi u la jop ia ki 850 ngut ki nongiathuhlypa balamler da ka jingduwai shitrhem jong u, bad ka jingduwai shitrhem jong U Joshua ka pynlong ia ka sngi ban ieng thik bad ia u bnai ban sangeh. Kumba ngi iohi lyngba kine baroh, ka dei da ka jingduwai ba U Blei u ai ia ngi ka bor ban jop ia baroh ki jingeh.

“To pan, te yn sa ai ha phi; to wad; te phin sa shem; to tied, te yn sa plie ia phi. Naba baroh uba pan u pdiang; bad uba wad u shem; bad ia uba tied yn plie.”
Mathaios 7:7–8

Ko hep baieit, lada kata ka dohnud jong ngi kam pynrem ia ngi, te ngi don ka jingsngewshlur sha U Blei. Bad lada ngi pan ia kaei kaei ruh, ngi pdiang na u, naba ngi sumar ia ki hukum jong u, bad ngi iaileh ia kita kiei kiei ruh bapynsngewbha ha khmat jong u.
1 U Ioannis 3:21–22