Ka Jingkhawai Niam ki Turoi & ka Turoi jong ka Jingkylla Kaba Mut

Ka Jingkhawai Niam ki Turoi ka Khot ia ka Jingkylla Kaba mut
da Kaba Put ia ki Turoi Shiphew Sngi Shuwa Ka Sngi ka Jingpyniasuk

Ki khun Israel ki la ioh ia ki mawlyngkniap baar jong Ki Shiphew Hukum hadien ba ki la kylla kaba mut na ka jingmane bleithaw jong ki,
bad U Blei u la khot ia kata ka sngi Ka Sngi ka Jingpyniasuk namar ki la ioh ia ka jingpyniasuk na U Blei.
Ka Jingkhawai Niam ki Turoi ha ka sngi banyngkong jong u bnai bahynñiew katkum ka kalendar bakyntang
ka dei ka jingkhawai niam haba ka turoi jong ka jingkylla kaba mut la put jam ban kdew
ba ki briew baroh ki dei ban kylla kaba mut sha U Blei namar hadien shiphew sngi ka dei Ka Sngi ka Jingpyniasuk.

Kaei ka Turoi jong ka Jingkylla Kaba Mut ba la Put da ki Dkhot jong ka Balang U Blei?

Kumba ki khun Israel ki la put ia ka turoi jong ka jingkylla kaba mut
shiphew sngi shuwa Ka Sngi ka Jingpyniasuk ha ka por jong u Moses,
mynta ngi dei ban put ia ka turoi ban khot ia ka pyrthei baroh kawei
ban wan sha U Khrist Ahnsahnghong bad Ka Blei Ka Kmie ban ioh laitim
bad ban ioh ia ka jingkylla kaba mut kaba pura
lyngba ka jingpynbaptis bad ki jingkhawai niam jong ka jutang bathymmai.

To kren ha ki khun Israel, to da ong, Ha u bnai bahynñiew, ha ka sngi banyngkong jong uta u bnai,
kan long ia phi ka sabbaton, ia kaban long ka jingpynkynmaw da kaba pynsawa ia ki turoi, bad ka jingiaseng bakhuid.
Lebitikos 23:24

Te U Jisu u da iathuh u la ong ha ki, Kiba khiah kim donkam ia u nongpynkhiah, hynrei kiba pang kein:
ngam shym la wan ban khot ia kiba hok, hynrei ia kiba pop sha ka jingkylla kaba mut.
Loukas 5:31–32