Ang Kasaulogan sa mga Trumpeta ug ang Trumpeta sa Paghinulsol

Ang Kasaulogan sa mga Trumpeta Nagtawag sa Paghinulsol pinaagi sa Pagpatingog sa mga Trumpeta Napulo ka Adlaw sa Dili pa ang Adlaw sa Pagpapas sa Sala

Ang mga Israelita nakadawat sa ikaduhang papan sa Napulo ka Sugo human sila naghinulsol sa ilang pagsimba sa mga dios-dios, ug ang Dios nagngalan niadtong adlawa nga Adlaw sa Pagpapas sa Sala tungod kay nakadawat sila og Pagpapas sa Sala gikan sa Dios.
Ang Kasaulogan sa mga Trumpeta sa unang adlaw sa ikapitong bulan pinaagi sa sagradong kalendaryo mao ang Kasaulogan sa dihang ang trumpeta sa paghinulsol gipatingog sa makusog aron ipaila nga ang tanang katawhan kinahanglang maghinulsol sa Dios tungod kay ang napulo ka adlaw sa ulahi mao ang Adlaw sa Pagpapas sa Sala.

Unsa ang Trumpeta sa Paghinulsol nga Gipatingog sa mga Miyembro sa Church of God?

Sama nga ang mga Israelita mipatingog sa trumpeta sa paghinulsol napulo ka adlaw sa wala pa ang Adlaw sa Pagpapas sa Sala sa panahon ni Moises, kinahanglan natong patingogon ang trumpeta sa pagtawag sa tibuok kalibotan sa pagduol kang Cristo Ahnsahnghong ug sa Dios Inahan aron maluwas ug makab-ot ang hingpit nga paghinulsol. pinaagi sa bawtismo ug sa mga Kasaulogan sa bag-ong Kasabotan.

Ang GINOO miingon na usab kang Moises, “Sultihi ang mga Israelita: Sa unang adlaw sa ikapitong bulan pahulay kamo sa hingpit ug himoa ninyo ang usa ka balaang panagtigom nga ipahibalo pinaagi sa tingog sa mga trumpeta.
Ayaw kamo pagtrabahog bug-at ug paghalad kamog mga halad nga sunogon alang sa GINOO.”
Leviticus 23:24

Si Jesus mitubag kanila, “Ang mga tawo nga walay sakit wala magkinahanglag doktor kondili ang mga masakiton lamang.
Wala ako moanhi aron sa pagtawag sa mga matarong kondili sa mga makasasala aron maghinulsol sila.”
Luke 5:31–32