Inahan ug ang Kasabotan nga Gitukod sa Dugo

Ug Kinsa ang Gisakripisyo Alang sa Kapasayloan
sa mga Sala?

Sama nga ang anghel nga si Lucifer ug ang hari sa Tiro,
nga anaa sa usa ka mahimayaon nga posisyon sa langit,
nagbudhi sa Dios tungod sa ilang pagkamapahitas-on,
gusto nga ipataas ang ilang kaugalingon labaw sa Dios,
ang tanan nga mga tawo nakasala sa langit ug nanaog
dinhi sa yuta, ug gitakda na daan alang sa silot
sa impyerno. Apan, ang Dios Mismo ang nahimong
sakripisyo alang sa halad sa sala sa matag pagsimba
ug naghatag kanato sa kapasayloan sa mga sala.

Ang Church of God Nakadawat sa Grasya sa Kapasayloan sa mga Sala pinaagi sa Husto nga Pag-ila ug Pagsaulog sa mga Kasaulogan

Sulod sa mga 1,500 ka tuig gikan sa panahon ni Moises
hangtod sa panahon ni Jesus, gitugotan kita sa Dios nga
makadawat sa kapasayloan sa mga sala pinaagi sa dugo
sa paghalad sa laki ug baye nga mga mananap
sa Adlawng Igpapahulay, ug sa matag kasaulogan.
Pinaagi sa daan nga kasabotan, ang Dios nagpahibalo
kanato sa sakripisyo ug gugma sa Dios nga Inahan nga
mao ang reyalidad sa bag-ong kasabotan, ug nagpakita
kanato sa sakripisyo ni Kristo Ahnsahnghong, nga
maoy miula sa Iyang dugo sa krus isip usa ka testamento
sa Iyang gugma alang sa katawhan. .

“Unya ang tawo nga dili hugaw maoy mohipos sa abo
sa baka ug adto niya kini ibutang sa usa ka dapit nga
hinlo didto sa gawas sa kampo. Tipigan kini alang
sa katilingban sa Israel aron gamiton unya
sa seremonyas sa pagpanghinlo kay ang maong baka
halad man alang sa pagpapas sa sala.”
Numeros 19:9

““Kon ang usa ka tawo makasala nga wala tuyoa,
maghalad siyag baye nga kanding nga nagpanuigon
ug usa ka tuig ingon nga halad tungod sa sala.”
Numeros 15:27

Mao kini ang giingon sa Ginoo,
“Hain man ang sulat sa pakigbulag sa imong inahan,
nga pinaagi niini siya akong gibiyaan?
O kinsa sa akong mga gikautangan
ang gibaligyaan nako kaninyo?
Tan-awa, tungod sa inyong mga kasal-anan nabaligya kamo,
ug tungod sa inyong mga paglapas gibiyaan ang inyong inahan.
Isaias 50:1