Mmê le Kgolagano e e Tlhomilweng ka Madi

Ke Sebe se fe se se Tona Go Gaisa se Batho Ba Se Dirileng, Ebile Ke Mang Yo O Neng A Ntshiwa Setlhabelo sa Boitshwarelo jwa Dibe?

Fela jaaka naledi ya masa le kgosi ya Tiro, ba ba neng ba le mo maemong a a manobonobo kwa legodimong, ba ne ba tlhanogela Modimo ka lebaka la boikgogomoso jwa bone, ba eletsa go ikgodisa godimo ga Modimo, batho botlhe ba leofile kwa legodimong a bo ba tla lefatsheng le, ebile ba ne ba lebaganwe ke kotlhao kwa diheleng. Mme, Modimo ka sebele O ne A nna setlhabelo sa boleo kwa kobamelong nngwe le nngwe A bo A re fa boitshwarelo jwa dibe.

Kereke ya Modimo e Amogela Mautlwelobotlhoko a Boitshwarelo jwa Dibe ka go Lemoga le go Tshegetsa Meletlo

Ka sebaka se ka nna dingwaga tse 1,500 go tswa ka nako ya ga Moshe go ya kwa nakong ya ga Jeso, Modimo O ne A letla gore re amogele boitshwarelo jwa dibe ka madi a ditlhabelo tsa diphologolo tse di tonanyana le tse di namagadi kwa moletlong mongwe le mongwe. Ka kgolagano e kgologolo, Modimo O re bontsha setlhabelo sa ga Keresete Ahnsahnghong, Yo O neng A tsholola madi a Gagwe mo sefapaanong e le sesupo sa lerato la Gagwe go batho botlhe.

Jaanong a monna yo o itshekileng a ole molora wa kgomo eo, a o tshele mo felong fa go itshekileng kwa ntle ga bothibelelo gore o bolokelwe phuthego ya Baiseraele, o tlhakanngwe le metsi a a tlhatswang boitshekologo. Ke wa setlhabelo sa boleo. 
Numeri 19:9

“ ‘Mme fa motho a le mongwe a leofa ka bokoa, a a tlise potsane e namagadi ya ngwaga o le mongwe ya setlhabelo sa boleo.’ ”
Numeri 15:27

Morena o bua jaana a re: “Lokwalo lwa tlhalo la ga mmaeno lo kae, lwa ke mo tlhadileng ka lone? Gongwe ke molato le mang, yo ke lo rekisitseng mo go ene? Bonang, lo rekisitswe ka ntlha ya melato ya lona. Mmaalona o tlhadilwe ka ntlha ya maleo a lona.”
Jesaya 50:1