Ka Kmie & ka Jutang Ba La Seng da ka Snam

Kaei Ka Pop Bakhraw Tam kaba U Briew U La Leh, Bad Uei Uba La Shah Kñia na ka Bynta ka Jingmap ki Pop?

Kumba u angel Lusipher bad u syiem Tyros, kiba don ha ka kyrdan badonburom ha bneng, ki la shet kylla ia U Blei namar ka jingsarong jong ki, ki da kwah ban kyntiew ia lade halor U Blei, u bynriew baroh u la leh pop ha bneng bad wan hiar sha kane ka khyndew, bad u la rem ban shah pynshitom ha dujok. Hynrei, U Blei da lade hi u la long ka jingkñia namar ka pop ha man la ka jingshakri bad ai ha ngi ka jingmap ki pop.

Ka Balang U Blei ka Iohdiang ka Jingaiei ka Jingmap ki Pop da Kaba ithuh Shai bad Rakhe ia ki Jingkhawai Niam

Kumba 1,500 snem naduh ka por U Moses haduh ka por U Jisu, U Blei u la shah ia ngi ban ioh ka jingmap ki pop da ka snam jong ka jingkñia ki mrad shynrang bad ki mrad kynthei ha ka sngi Sabbaton, bad ha man la ka jingkhawai niam. Lyngba ka jutang barim, U Blei u pyntip ia ngi ia ka jingkñia bad ka jingieit jong Ka Blei Ka Kmie kaba long ka jingshisha jong ka jutang bathymmai, bad u pyni ia ngi ka jingkñia jong U Khrist Ahnsahnghong, uba la pynmih ia la ka snam halor ka diengphna kum ka testament ia ka jingieit jong U ia u bynriew.

“Te u briew uba khuid un khur ia ka dpei kata ka masi lud, bad un buh ruh ia ka habar ka jaka shong dara ha ka jaka kaba khuid, bad un sumar de ia ka ia u paidlang ki khun Israel ban long ka um ka jingpynkhuid: ka long ka jingkñia namar ka pop.”
Ki Jingkhein 19:9

“ ‘Te lada uno uno u briew un leh pop da kabym tip; te un wallam kawei ka blang kaba shisnem ban long ka jingkñia namar ka pop.’ ”
Ki Jingkhein 15:27

Kumne u ong U Trai, “Hangno ka kot iehnoh ka kmie jong phi, da kaba nga la pyllait noh ia ka? Lane uno u nongai ram jong nga uba nga la die ia phi ha u? Ha khmih, namar ki pop jong phi la die noh ia phi, bad namar ki ryngkang jong phi la pyllait noh ia ka kmie jong phi.”
U Isaiah 50:1