ମାତା ଏବଂ ରକ୍ତ ଦ୍ୱାରା ସ୍ଥାପିତ ନିୟମ

ମାନବଜାତି କରିଥିବା ସବୁଠାରୁ ବଡ ପାପ କ’ଣ, ଏବଂ ପାପ କ୍ଷମା ପାଇଁ କିଏ ବଳିଦାନ ହୋଇଥିଲେ?

ଯେପରି ସ୍ୱର୍ଗଦୂତ ଲୁସିଫର୍ ଏବଂ ସୋରର ରାଜା, ଯେଉଁମାନେ ସ୍ୱର୍ଗରେ ଏକ ଗୌରବମୟ ପଦରେ ଥିଲେ, ଆପଣା ଅହଂକାର ହେତୁ ପରମେଶ୍ୱରଙ୍କୁ ଧୋକା ଦେଲେ, ଯେଉଁମାନେ ନିଜକୁ ପରମେଶ୍ୱରଙ୍କଠାରୁ ଉଚ୍ଚ କରିବାକୁ ଚାହୁଁଥିଲେ, ସେହିପରି ସମସ୍ତ ମାନବଜାତି ସ୍ୱର୍ଗରେ ପାପ କଲେ ଓ ଏହି ପୃଥିବୀକୁ ଆସିଲେ ଏବଂ ସେମାନଙ୍କ ପାଇଁ ନରକର ଦଣ୍ଡ ପୂର୍ବ ନିର୍ଦ୍ଧାରିତ ହୋଇଥିଲା । ତଥାପି, ପରମେଶ୍ୱର ନିଜେ ପ୍ରତ୍ୟେକ ଆରାଧନାରେ ପାପାର୍ଥକ ବଳି ନିମନ୍ତେ ବଳିଦାନ ଦେଲେ ଏବଂ ଆମ୍ଭକୁ ପାପର କ୍ଷମା ଦେଲେ ।

ଚର୍ଚ୍ଚ ଅଫ୍ ଗଡ୍ ସଠିକ୍ ଭାବରେ ପର୍ବଗୁଡ଼ିକୁ ଚିହ୍ନିବା ଏବଂ ତାହା ପାଳନ କରିବା ଦ୍ୱାରା ପାପକ୍ଷମା କରିବାର ଅନୁଗ୍ରହ ପ୍ରାପ୍ତ କରେ ।

ମୋଶାଙ୍କ ସମୟରୁ ଯୀଶୁଙ୍କ ସମୟ ପର୍ଯ୍ୟନ୍ତ ପ୍ରାୟ ୧,୫୦୦ ବର୍ଷ ପର୍ଯ୍ୟନ୍ତ, ପରମେଶ୍ୱର ଆମ୍ଭକୁ ବିଶ୍ରାମ ଦିନ ଏବଂ ପ୍ରତ୍ୟେକ ପର୍ବରେ ପୁରୁଷ ଓ ସ୍ତ୍ରୀ ପଶୁମାନଙ୍କ ବଳିଦାନର ରକ୍ତ ମାଧ୍ୟମରେ ପାପକ୍ଷମା ପ୍ରାପ୍ତ କରିବାର ଅନୁମତି ଦେଲେ । ପୁରାତନ ନିୟମ ମାଧ୍ୟମରେ, ପରମେଶ୍ୱର ଆମ୍ଭକୁ ମାତା ପରମେଶ୍ୱରଙ୍କ ବଳିଦାନ ଏବଂ ପ୍ରେମକୁ ଜାଣିବାକୁ ଦିଅନ୍ତି ଯାହା ନୂତନ ନିୟମର ବାସ୍ତବତା ଅଟେ, ଏବଂ ଆମ୍ଭକୁ ଖ୍ରୀଷ୍ଟ ଆନ୍ ସାଙ୍ଗ୍ ହୋଙ୍ଗ୍ ଙ୍କ ବଳିଦାନକୁ ଦେଖାନ୍ତି, ଯିଏ ମାନବଜାତି ପାଇଁ ଆପଣା ପ୍ରେମର ସାକ୍ଷୀ ଭାବରେ କ୍ରୁଶରେ ଆପଣା ରକ୍ତ ଝରାଇଥିଲେ ।

ଏଉତ୍ତାରେ କୌଣସି ଶୁଚି ଲୋକ ସେହି ଗାଭୀର ଭସ୍ମ ସଂଗ୍ରହ କରି ଛାଉଣିର ବାହାରେ କୌଣସି ଶୁଚି ସ୍ଥାନରେ ରହିବ; ପୁଣି, ତାହା ଇସ୍ରାଏଲ-ସନ୍ତାନଗଣଙ୍କର ମଣ୍ଡଳୀ ପାଇଁ ଅଶୌଚାର୍ଥକ ଜଳ ନିମନ୍ତେ ରଖାଯିବ; ତାହା ପାପାର୍ଥକ ବଳି ଅଟେ ।
ଗଣନା ୧୯:୯

ଆଉ ଯଦି ଏକ ପ୍ରାଣୀ ଭ୍ରାନ୍ତିରେ ପାପ କରେ, ତେବେ ସେ ପାପାର୍ଥକ ବଳି ରୂପେ ଏକବର୍ଷୀୟ ଏକ ଛାଗବତ୍ସା ଆଣିବ ।
ଗଣନା ୧୫:୨୭

ସଦାପ୍ରଭୁ ଏହି କଥା କହନ୍ତି, “ଆମ୍ଭେ ଯେଉଁ ପତ୍ର ଦ୍ୱାରା ତୁମ୍ଭମାନଙ୍କ ମାତାକୁ ତ୍ୟାଗ କରିଅଛୁ, ତାହାର ସେହି ଛାଡ଼ପତ୍ର କାହିଁ? ଅଥବା ଆମ୍ଭ ବ୍ୟବସାୟୀମାନଙ୍କ ମଧ୍ୟରୁ କାହା ନିକଟରେ ତୁମ୍ଭମାନଙ୍କୁ ବିକ୍ରୟ କରିଅଛୁ? ଦେଖ, ତୁମ୍ଭେମାନେ ନିଜ ଅପରାଧ ସକାଶୁ ବିକ୍ରୀତ ହୋଇଥିଲ ଓ “ତୁମ୍ଭମାନଙ୍କ ଅଧର୍ମ ସକାଶୁ ତୁମ୍ଭମାନଙ୍କର ମାତା ତ୍ୟକ୍ତା ହୋଇଥିଲା ।”
ଯିଶାଇୟ ୫୦:୧