Ka Jingkhawai Niam ki Turoi bad ka Taiew Jingduwai

Balei U Blei u Thung ia ki Shiphew Sngi ka Jingduwai jong ka Jingkhawai Niam ki Turoi?

Ki mawlyngkniap banyngkong jong Ki Shiphew Hukum la pynpait lyngkhot lyngkhai naba ki khun Israel ki la mane ia u khun masi ksiar. La kumta ruh, U Blei u la ai ia ki mawlyngkniap baar jong Ki Shiphew Hukum ha ka sngi kaba shiphew jong u bnai bahynñiew sha ki briew kiba la kylla kaba mut. U Blei u la thung ia kane ka sngi kum ka Sngi ka Jingpyniasuk kaba kynthup ia ka jingkular jong ka jingmap ki pop, bad thung ia ka sngi banyngkong jong u bnai bahynñiew kum ka Jingkhawai Niam ki Turoi.

Baroh ki Jingkyrkhu ki Mih Na ka Jingduwai, ka Lynti ban Iakren Bad U Blei

U Apostol Ioannis u la ong ba baroh ki jingduwai ki kylla long ka tdem ka jingainguh thang baiwbih ha khmat U Blei. Ngi dei ban sngewthuh ba U Mynsiem Bakhuid U Ahnsahnghong bad Ka Blei Ka Kmie ki iasaid na ka bynta u bynriew uba tlot, uba beh brai ia kiei kiei kiba thala, bad ubym lah ban iohi ia ki jingkyrkhu kiba bymjukut ha Bneng. Ngi dei ban rakhe ia ki Jingkhawai Niam U Blei da ki dohnud bakylla kaba mut, da kaba ai ki jingnguh na ka bynta ka jingaiei jong Ki.

‘Hynrei lada ngi kyrmen ia kata kaba ngim iohi, te da kaba iaishah ngi khmih lynti ia kata. Kumjuh de U Mynsiem ruh u iarap lem ia ka jingtlot jong ngi; namar ia kaei ngin duwai kat ka ban dei biang, ngim tip shuh; hynrei shisha uta U Mynisem hi u kyrpad na ka bynta jong ngi ha ki jingud hir hir kibym lah ong.’
Sha Ki Nong Rom 8:25‒26