Tamni Bagwi Kaitor Totro Tamma Terni Nokha Sal Chini Purimungno Chong Kha?
Israilrok rangchakni musuk bwsa takjakno khulummani bagwi puilani Dagimung Kaichini holong bwlap lapnwi’-no swbaijak kha. Hai phano, sumsok gosiwi yakar bororokno Kaitor tei uáisa Dagimung Kaichini holong bwlap lapnwi’-no rw phi kha talsni talni nokha sal chi-o. Kaitor o salno Suchajakma Sal, abo sumsok nakarjakmani smai gwnang salno chong kha, tei talsni talni puilani salo khe Totro tamma Terno chong kha.
Bebak Hamarirok Suri Sanmani Bai Chengo, Kaitor Bai Kók Sanani Lama
Bebak suri sanmarok satraini hoku wngwi tei kasaui thángo Kaitorni bwskango hwnwi Chonghor Johon sa-o. Phola Kwthar Ahnsahnghong bai Ama Kaitor borok kebelrokni, mungsa chukya manwino rwktharnairok, tei Chuknohani páiphlaiya hamarino nugui man yarokni bagwi kók sa-o. Chwng Kaitotni Terrokno bwkha bai sumsok yakarnani gosimung tei Bórokni khairokmani bagwi hambai yapharma bai tẃina nangnai.
‘Tamo khe chini thani kwrwi abo tẃi manwini bagwi khatung khe chwng khá logwi ma naisingnai. Abo hai kheno Pholabo chwng tẃi phan kwrwirokno chuba-o, tamni hwn khe bahai khe suri sanna nang abo chwng saui man ya; Phola bo sak se Kaitorni thani chini bagwi kengaiwi kók sa-o, abo búkhúkni kók bai saui man ya.’
Rum 8:25-26
- আগের তারিখ
- 2021. 10. 06
- সহানুভূতি
- 0
