Mokete wa Diterompeta le Beke ya Thapelo

Hobaneng ha Modimo a Beile Matsatsi a Leshome a Thapelo a Mokete wa Diterompeta?

Tlhophiso ya pele ya matlapa a Melao e Leshome a ile a pshatlwa dikotwana kaha Baiseraele ba ne ba kgumametse namane ya kgauta. Leha ho le jwalo, Modimo o ile a fana ka tlhophiso ya bobedi ya matlapa a Melao e Leshome ka letsatsi la leshome kgweding ya bosupa ho batho ba bakileng. Modimo o beile letsatsi lena e le Letsatsi la Tefelo ya Dibe le nang le tshepiso ya tshwarelo ya dibe, mme A beha letsatsi la pele kgweding ya bosupa e le Mokete wa Diterompeta.

Kaofela Mahlohonolo a Qala Ka Thapelo, Tsela ya ho Buisana Le Modimo

Moapostola Johanne o itse dithapelo tsohle di ba mosi wa mokubetso mme di nyolohela kapele ho Modimo. Re tlameha ho elellwa hore Moya o Halalelang Ahnsahnghong le Modimo Mme Ba rapella batho ba fokolang, ba lelekisang dintho tsa lefeela, mme ba hloleha ho bona mahlohonolo a kamehla yohle Lehodimong. Re tlameha ho boloka Mekete ya Modimo ka pelo e bakang, re leboha bakeng sa mohau wa Bona.

‘Empa ha re tshepile ho fumana seo re esong ho be le sona, re se lebella ka mamello. Ka mokgwa o jwalo Moya o re thusa bofokoding ba rona, hobane ha re tsebe ho rapela ka mokgwa o tshwanelang, empa Moya ka bowona o re rapella ka mefehelo e ke keng ya bolelwa.’ Baroma 8:25–26