Ka Jingkylla Bamut & Ka Jingkhawai Niam ki Turoi

Ka Jingkhawai Niam ban Pynsawa ia ka Turoi ka Jingkylla Bamut khnang ba U Bynriew un Kylla Bamut bad Wanphai ha U Blei

U Blei u la pynlong ia ki khun Israel ban pynsawa ia ka turoi ka jingkylla bamut jong Ka Jingkhawai Niam ki Turoi, ka sngi banyngkong jong u bnai bahynniew da ka kalendar bakyntang khnang ban pynkhreh ia Ka Sngi ka Jingpyniasuk, ka sngi bashiphew jong u bnai bahynniew da ka kalendar bakyntang haba U Moses u leit shim ia Ki Shiphew Hukum ha kaba ar sien.
Ha kaba kynja mynsiem, ka dei ka jingkhawai niam ban kyntu ia u bynriew baroh, uba la leh ki pop kibym lah map shuh ha bneng bad uba la shah shop noh sha kane ka khyndew, ban kylla bamut, da kaba ong, “To kylla bamut lyngba ka jutang bathymmai bad to wanphai sha U Blei.”

Balei ki Dkhot ka Balang U Blei Kiba Sumar ia ka Jutang Bathymmai ki Pynsawa ia ka Turoi ka Jingkylla Bamut?

Mynta, haba ka hima ki bneng ka la jan, kita kiba la ioh ka jingkular ia ka hima ki bneng lyngba ka jingkylla bamut bapura ki dei ban pynsawa ia ka turoi shaphang ka jingknia bad ka jingieit U Blei uba la pynim ia ki da ka jutang bathymmai khnang ba ka pyrthei baroh kan kylla bamut bad wanphai sha U Khrist Ahnsahnghong bad Ka Blei Ka Kmie.

“To kren ha ki khun Israel, to da ong, ‘Ha u bnai bahynñiew, ha ka sngi banyngkong jong uta u bnai, kan long ia phi ka sabbaton, ia kaban long ka jingpynkynmaw da kaba pynsawa ia ki turoi, bad ka jingiaseng bakhuid.’ ”
Lebitikos 23:24

u da ong ruh, “La pyndep ia ka ïa, bad ka hima U Blei ka la jan: to phin kylla kaba mut, bad to ngeit ruh ia ka gospel.”
Markos 1:15