Fakatomala & ko e Katoanga Fakamanatu Ifi

Ko e Katoanga ʻo e Ifi ʻa e Talupite ʻo e Fakatomalá maʻá e faʻahinga ʻo e tangatá ke nau fakatomala mo tafoki ki he ʻOtuá

Naʻe tuku ʻe he ʻOtuá ke puhi ʻe he kau ʻIsilelí ʻa e talupite ʻo e fakatomalá ʻi he Katoanga Fakamanatu Ifi, ko e ʻuluaki ʻaho ia ʻo e māhina hono fitú ʻaki ‘i he tohi māhina toputapu ke teuteu ai ki he ʻAho ʻo e Fakaleleí, ʻa ia ko e ʻaho hongofulu ʻo e māhina hono fitú, ʻi he taimi naʻe maʻu ai ʻe Mosese ʻa e Fekau ʻe Hongofulú ko hono tuʻo uá.
‘I he fakalaumālié ko ha kātoanga ia ʻokú ne uki kotoa ʻa e faʻahinga ʻo e tangatá, ʻa ia kuo nau fakahoko ha ngaahi angahala ʻoku ʻikai lava ke fakamolemoleʻi ʻi hevani pea kapusi kinautolu ki he māmaní, ke fakatomala, ʻo pehē, "Fakatomala ʻi he fuakava foʻoú pea tafoki ki he ʻOtuá."

Ko e hā ʻoku puhi ai ʻe he kau memipa ʻo e Siasi ʻo e ʻOtuá, ‘oku Nau Tauhi ʻa e Fuakava Foʻoú ʻa e Talupite ʻo e Fakatomalá?

Ko e ‘aho ni, ʻi he ofi mai ai ʻa e puleʻanga ʻo hevani, ko kinautolu kuo palomesi ki ai ‘a e puleʻanga ʻo hevani ʻi he fakatomala kakató, kuopau ke nau puhi ʻa e talupite fekauʻaki mo e feilaulau mo e ʻofa ʻa e ʻOtuá ʻa ia naʻá ne fakahaofi kinautolu ʻi he fuakava foʻoú kae malava ʻa e māmaní kotoa ʻo fakatomala pea tafoki kia Kalaisi ʻAhnsahnghong mo e ʻOtua ko e Faʻeé.

“Lea ki ha’a ‘Isileli, ‘o pehe, ‘i hono fitu ‘o e mahina ‘i hono ‘uluaki ‘aho, ‘e ai hamou ‘aho fakasapate, ko e fakamanatu ifi, ko e fakataha tapu.”
Levitiko 23:24

“’O ne pehē, kuo kakato hono taimi pea kuo ofi ‘a e pule’anga ‘o e ‘Otua. Mou fakatomala ‘o tui ki he kosipeli.”
Maake 1:15