Moletlo wa Dinkgwe tse di sa Bedisiwang

Ke ka Moletlo O fe Mo Ditirong tsa ga Moše, Re Ka Lemogang Pogo ya ga Keresete.

Moše le Baiseraele ba ne ba itshokela pogo go tswa ka nako e ba tshegeditseng Tlolaganyo, ba bo ba tswa kwa Egepeto go fitlhela ba kgabaganya Lewatle le Lehibidu. Se se ne sa diragadiwa ke go tlhokofadiwa le pogo e Keresete A neng A e ralala ka Moletlo wa Dinkgwe tse di sa Bedisiwang, o neng o le ka letsatsi le le latelang morago ga Tlolaganyo.

Kereke ya Modimo e Gopola Setlhabelo sa Modimo ka go Tshegetsa Moletlo wa Dinkgwe tse di sa Bedisiwang

Moletlo wa Dinkgwe tse di sa Bedisiwang ke moletlo o o supang pogo ya ga Keresete, e e leng boammaaruri jwa Molao wa ga Moše mo Kgolaganong e Kgologolo. Mo pakeng e, Modimo O rile re nne le kabelo mo pogong ya ga Keresete ka go itima dijo, ebile gape re nne bao ba sa tlhaeleng sepe ka go fenya dipogiso tse rotlhe re ka kopanang le tsone.

Mowa ka osi o supetsa mewa ya rona gore re bana ba Modimo. Mme fa re le bana, e bile re barua-boswa, e bong barua-boswa ba Modimo le barua-boswa mmogo le Keresete, fa tota re bogisiwa nae, ke go re, re tle re galalediwe nae. Gonne ke kaya gore dipogo tsa sebaka seno ga se tsa sepe, fa di bapisiwa le kgalalelo e re tla e senolelwang. Baroma 8:16-18