Auang Bángla Ter

Musini Samungni Bu Tero Chwng Khristoni Tektono Buchiui Man

Musi tei Israilasarok Yόkma Ter tẃimani tei Ijip yakar phuruni simi Twijlang Kwchak barnani swkang kwbangma tekto soi kha. Omo, Yόkma Ter tẃimani ulni salo, Auang Bangláni Terni salo Khristo dukhu tei tekto manjakmani bising tẃi nang phai kha.

Kaitorni Motha Auang Banglá Ter Tẃimani bising tẃi Kaitorni Sak Yapharmano Muitu Khlai-o

Auang Bangla Ter wng kha Khristoni tektono phunukmani ter, omo wng kha Swmai Kwchamni Musini Kerongni soi. O molo, ubas tongmani bising tẃi Khristoni tekto-o manjak di hwnwi Kaitor chwngno sa kha tei chwng jotono manjakna nangmani tektono mechenwi soi wngsugwi manna bagwi.

Chwngno Kaitorni bwsa hwnwi Kaitorni Phola chini phola bai baksa sa-o. Chwng bini bwsa wngma bai bo bini bororokni bagwi khatiui tonmarokno chwngbo mannai; phiya Kaitor Khristoni bagwi khatiui tonmani abonobo chwng Khristo bai baksa mannai; chwng Khristo bai baksa sátokjak khe bo bai baksa’-no chẃngsacha khlaijaknai. Ang saui mano chwng tabukni o molo sátokjakmani omo chini thani phunukjakna hwnmani a chẃngsacha bai thopsa phano suthai kwrwi. Rum 8:16-18