Swmai Kwchamni Terrok abo
Swmai Kwtalni Jora-o Wng Phai
Nani bagwi kaisa Kosol tei Sampli se.
Swmai Kwchamni Auang Bánglani Ter, Israilsarok 3,500 bisi swkango
tongkutukrok bai manjakmarokno muitu khlaiwi panda khlai mani se;
Yókma Ter tẃi mani yagulo, teini salo bórok ha Ijipni ongkhor kha
tei Twijlang Kwchakni ayang naro sok ya sak sátok dukhu man lai kha.
Omo Khristoni sak dukhu, tei sak yapharmungrogo himna hwnmani sampli se;
Yókma Ter tẃi mani ygulo, Bó sátokjak kha tei aboni teini salo khe kruso kanta bujak kha.
Kaitorni Mothani Adongrok Auang Bángla
Terni Sói Kókmangno Muitu Khe Bórokni Krusno Bal lai-o.
“Chwng Nono thẃi ya sak rwkthar anw,”
hwnwi sanai Bini sagrirok bai sini ya hwnwi sajagwi tei khibiwi klangjagwi,
tei kwbángma kebengnairok bai hamya tei kók thesra sajagwi hakhe
páithago khe kruso kanta bujak kha—o sátokjakmungrok-no
Phola Kwtharni Molni mwthangnaisa Khristo Ahnsahnghong
2,000 bisini swkango, Bó himlang mani.
Bini hamjakmungno buchinani poito nangmani jora tei
hakhe chini sakni krusno balnani jora.
Jisu Bini sagrirokno hai hwnwi sa kha.
“Ani logi phaina khe a borok bini sakni kók ta uansuk thung,
bini krus balwi ani logi phai thung. Kwthang tongna muchungnai borok bo thwinai;
phiya ani bagwi thwinai borok bo thangnai. “
Mathai 16:24-25
- আগের তারিখ
- 2024. 03. 23
- সহানুভূতি
- 0
