Энэ үеийн явдалд бүү нийц

[Ан Сан Хун Христ болон Эх Бурханы “Энэ үеийн явдалд бүү нийц” гэж хэлдэг шалтгаан.]

Бидний бие бол Бурхан цусаараа худалдаж авсан Бурханы сүм учраас бид цөлийн амьдралын төгсгөлд Сатанд уруу татагдаж, садар самуун явдалд автсан израильчууд шиг, түр зуур өлсөхийг тэвчиж чадалгүй ууган хүүгийн эрхээ худалдсан Есав шиг үйлдэл гаргах ёсгүй. Бид энэ хорон муу, завхайрсан ертөнцийг биш харин Бурханыг дагасан зөвт амьдралаар амьдрах ёстой.

[Бурханы сүмийн итгэгчид ариун байдал ба итгэл сүсэгтэй амьдралаар Бурханыг дагадаг]

Дэлхийд нүгэл газар авч, завхайрлаар дүүрэх үед Бурхан дэлхийг шүүдэг. Бурхан Ноагийн өдрүүдэд усаар, Содом, Гоморрагийн өдрүүдэд галаар шүүсэн шиг хорон муу, завхай энэ үеийг галаар шүүнэ гэж эш үзүүлэгчдээр дамжуулан зөгнөж, хүүхдүүддээ бол “ариун байдал, итгэл сүсэгтэй бай” гэх авралын замыг заасан.

Тэр үеийн дэлхий усан галавт автан, устгагдсан аж. Харин өнөөгийн тэнгэр ба газар нь Түүний үгээр байгаа бөгөөд галд зориулагдан, сүсэг бишрэлгүй хүмүүсийн шүүлт ба сүйрлийн өдөрт хадгалагдаж байна. ... ариун байдал ба итгэл сүсэг дор... Бурханы өдөр ирэхийг хүлээж, түргэлүүл. ... 2Петр 3:6-12