Ayaw Kamo Pahiuyon sa Pamatasan niining Panahona

Ang Rason Nga Si Cristo Ahnsahnghong ug ang Dios nga Inahan Nag-ingon, “Ayaw kamo pahiuyon sa pamatasan niining panahona.

Tungod kay ang atong mga lawas mao ang templo sa Dios, nga gipalit sa Dios pinaagi sa Iyang dugo, kinahanglan nga dili kita maggawi sama sa mga Israelita nga gitintal ni satanas ug nagpatuyang sa sekswal nga imoralidad sa katapusan sa ilang panaw sa kamingawan ug sama kang Esau nga nagbaligya sa iyang katungod sa pagkapanganay tungod sa kagutom. Kinahanglan nga magkinabuhi kita nga matarong nga nagsunod sa Dios, dili niining daotan ug mananapaw nga kalibotan.

Ang mga miyembro sa Church of God nagsunod sa Dios nga adunay balaan ug diosnong kinabuhi

Sa diha nga ang kalibutan puno sa sala ug pagpanapaw, ang Dios maghukom sa kalibutan. Sama nga ang Dios naghukom sa daotan nga kaliwatan pinaagi sa tubig sa mga adlaw ni Noe ug sa kalayo sa mga adlaw sa Sodom ug Gomora, ang Dios nagpahibalo pinaagi sa mga propeta nga Iyang hukman kining daotan ug mananapaw nga kaliwatan pinaagi sa kalayo ug mitudlo sa Iyang mga anak sa pagkinabuhi nga balaan ug diosnon.

ug pinaagi usab sa tubig sa lunop ang unang kalibotan gilaglag. Apan pinaagi usab sa pulong sa Dios ang kalangitan ug ang yuta nga atong nakita karon gitagana aron laglagon pinaagi sa kalayo. Giandam kini alang sa adlaw nga ang mga daotan hukman ug laglagon. …samtang maghulat kamo sa Adlaw sa Dios nga ang mga langit mosilaob ug maugdaw ug ang mga butang mangatunaw tungod sa kainit. 2 Pedro 3:6–12