अगमवक्ताहरूको अगमवाणी र संसारका मानिसहरूको सोचाइ

येशूज्यू बाइबलको अगमवाणीअनुसार बालकको रूपमा जन्मनुभयो र
सानो बछेडामा चढ्नुभएर यरूशलेममा प्रवेश गर्नुभयो ।
तर आफ्नो ईश्वरीय स्वभावलाई लुकाएर यस पृथ्वीमा
आउनुभएका येशूज्यूलाई यहूदीहरूले विश्वास गर्न सकेनन् ।

किनभने हाम्रा निम्ति एक जना बालकको जन्म भएको छ ... उहाँ अचम्मका सल्लाहकार, शक्तिशाली परमेश्वर ... यशैया ९:६

पवित्र आत्माको युगमा फेरि आउनुभएका परमेश्वर

मानव-जातिको मुक्तिको निम्ति आउनुभएका पवित्र आत्मा र दुलही,
ख्रीष्ट आन साङ होङज्यू र स्वर्गीय मातालाई गवाही दिने
अगमवक्ताहरूको अगमवाणी थुप्रै भए तापनि
“तिमी मानिस भएर पनि आफैलाई कसरी परमेश्वर तुल्याउँछौ ?” भन्दै
येशूज्यूलाई इन्कार गरेका २,००० वर्षअघिका यहूदीहरूको गल्तीलाई
वर्तमान समयका मानिसहरूले दोहोऱ्याइरहेका छन् ।

तर १,६०० वर्षसम्म नमनाइएको निस्तार-चाड
पुनर्स्थापना गरिदिनुभएका आन साङ होङज्यूचाहिँ
यशैयाको अगमवाणीअनुसार सम्पूर्ण मानव-जातिले
प्रतीक्षा गरिरहेको परमेश्वर हुनुहुन्छ ।