Dhabihu inahitajika ili kufikia upendo mkamilifu unaomwamsha mtu na kumwongoza mtu huyu kwenye ufalme wa mbinguni. Wale wanaokumbuka na kutenda upendo wa Baba, Aliyejidhabihu msalabani na kuwaongoza watoto Wake kutoka mauti ya milele hadi uzima wa milele, daima wanaburudishwa na kujazwa na shangwe.

Chini ya sheria ya Mose katika Agano la Kale, wauaji walipaswa kuuawa, lakini wale walioua mtu kwa bahati mbaya wangeweza kuishi kama wangekimbilia mji wa makimbilio. Hata hivyo, njia pekee kwao kurudi nyumbani kwa familia zao ilikuwa kupitia kifo cha kuhani mkuu. Sheria ya mji wa makimbilio ni mfumo unaotumika kama kivuli, ukifunua ulimwengu wa kiroho. Wanadamu wote ni wenye dhambi waliohukumiwa kifo mbinguni na wamefungwa kwenye dunia hii, mji wa makimbilio wa kiroho. Hata hivyo, kupitia Pasaka ya agano jipya ambayo Yesu, Kuhani Mkuu, Alianzisha kupitia kifo Chake, tunaweza kurudi katika nyumba yetu ya kiroho, ufalme wa mbinguni.

🎧Playlist 00:00 I Repent of My Sin 05:41 I Did Not Realize Before 11:15 Take Me, O My Father, Take Me 14:44 Though I Longed to Call to You 17:19 How Great Is the Love of Father!

00:00 O Youth of Zion, Watchmen of Truth 02:59 The Holy Spirit's Amazing and Wonderful Works 05:40 The Least Who Follow the Prophecies 08:09 Worship True God With Joyful Hearts 11:11 We Too Will Follow Mother 13:04 Heaven’s Kingdom Is Near 16:41 The Gospel of Glory

Biblia, Kitabu Maalum kwa Ajili ya Kuelimisha Watoto wa Mbinguni Upendo ni fundisho muhimu zaidi ambalo Mungu Analitilia mkazo. Kama vile wanamfalme walivyopokea elimu maalum kwa vitabu vilivyotofautishwa na vya watu wa kawaida zamani, watoto wa mbinguni, ambao ni warithi wa Mungu, lazima wafundishwe kwa maneno ya Mungu kupitia kitabu maalum, Biblia. Maandiko yote yamevuviwa na Mungu, na yafaa kwa mafundisho, kwa kuwaonya watu makosa yao, kwa kuwaongoza na kwa kuwafundisha katika haki, . . . 2 Timotheo 3:16 Upendo wa Mungu Mama Uliofichwa Katika Biblia Jambo muhimu zaidi katika Biblia ni upendo wa Mungu, ambao ni upendo wa Mama. Kwa hiyo, tukiongeza hata neno moja kwenye Biblia au kupunguza kitu chochote kutoka humo, hatuwezi kuwa na haki ya kuurithi ufalme wa mbinguni. Tunapoiangalia Biblia tuliyopewa na Mungu kwa macho ya upendo, tutaweza kutambua upendo na mapenzi matakatifu ya Mungu Baba na Mungu Mama.

Unyenyekevu, Tabia Inayohitajika Kuingia katika Ufalme wa Mbinguni Unyenyekevu ni tabia ambayo lazima tuwe nayo ili kuingia mbinguni. Takribani miaka 2,000 iliyopita, Yesu Alipoingia Yerusalemu, Aliweka kielelezo cha unyenyekevu kwa kumpanda mwana-punda. Kristo Ahnsahnghong na Mungu Mama, Waokozi katika enzi ya Roho Mtakatifu pia Walituonyesha kielelezo cha kuwatumikia wengine, Wakijishusha Wenyewe kwa kuja katika mwili. “Mungu huwapinga wenye kiburi, lakini huwapa wanyenyekevu neema.” Kama vile Nikolao, Mfalme wa Urusi, alivyomwelimisha mwanajeshi mwenye kiburi kwa mwenendo wake wa unyenyekevu alipokuwa akikagua kambi za jeshi akiwa amevaa sare za kawaida za kijeshi, waumini wa Kanisa la Mungu hujitolea wenyewe katika kuonyesha utukufu wa Mungu kupitia mwenendo wao wa unyenyekevu. Yakobo 4:6

Katika Enzi Hii, Roho na Bibi arusi Wanatujalia Maji ya Uzima Ambayo Yesu Alitupatia Katika Sikukuu ya Vibanda Kwa kuwa Mungu Anasema kwamba wale wanaomwamini Yeye watampokea Roho Mtakatifu, wale wanaotaka kumpokea lazima waamini na kufuata mafundisho ya Mungu Yehova katika enzi ya Baba, Yesu katika enzi ya Mwana, na Kristo Ahnsahnghong na Mungu Mama, Ambao Wamekuja kama Roho na Bibi arusi, katika enzi ya Roho Mtakatifu. Katika Kila Enzi, Wale Wanaolitii Neno la Mungu Ndio Wale Wenye Imani ya Kweli Wale wanaolitii neno la Mungu ndio wale wanaomwamini Mungu kwa kweli. Kama vile Noa, Abrahamu, Mose, Yoshua, na Kalebu walivyobarikiwa kwa kutii neno la Mungu, vivyo hivyo watu wenye imani wanaoishika siku ya Sabato na Pasaka—maneno ya Mungu—watabarikiwa leo. Yeye atokaye kwa Mungu husikia kile Mungu asemacho. Sababu ya ninyi kutosikia ni kwa kuwa hamtokani na Mungu.” Yohana 8:47 BWANA atakufanya kuwa taifa lake takatifu, kama alivyokuahidi kwa kiapo, kama ukishika maagizo ya BWANA Mungu wako na kwenda katika njia zake. Kisha mataifa yote ya dunia wataona kuwa unaitwa kwa jina la BWANA, nao watakuogopa. Kumbukumbu la Torati 28:9–10

Mungu Bado Anatoa Roho Mtakatifu kwa Mahali Ambapo Sikukuu ya Vibanda Inaadhimishwa Wale wanaomwamini Mungu lazima waiadhimishe Sikukuu ya Vibanda kulingana na mafundisho ya Mungu. Hii ni kwa sababu Mungu Alisema kupitia nabii Zekaria kwamba Atawapa Roho Mtakatifu wale wanaoadhimisha Sikukuu ya Vibanda na kuleta adhabu juu ya wale ambao hawaiadhimishi. Kanisa la Mungu Linaadhimisha Sikukuu ya Vibanda, na Liko Pamoja na Roho na Bibi Arusi, Wanaotoa Maji ya Uzima Wakati wa ujio Wake wa kwanza, Yesu Alitoa Roho Mtakatifu; wakati wa ujio Wake wa pili, Roho na Bibi arusi Wanatoa Roho Mtakatifu katika Sikukuu ya Vibanda. Unabii wa Biblia, “Roho na Bibi arusi Watatoa maji ya uzima,” “Maji yaliyo hai yatatoka Yerusalemu,” na “Mto wa maji ya uzima unatiririka kutoka kwenye kiti cha enzi cha Mungu” unatabiri kwamba Yerusalemu Mama wa Mbinguni Atatoa Roho Mtakatifu na mafundisho yanayoongoza kwenye uzima. Sikukuu ya Vibanda ya Wayahudi ilikuwa imekaribia... Siku ile ya mwisho ya Sikukuu, siku ile kuu, wakati Yesu akiwa amesimama huko, akapaza sauti yake akasema . . . Yeyote aniaminiye mimi, kama Maandiko yanavyosema, vijito vya maji ya uzima vitatiririka kutoka ndani yake.” Yesu aliposema haya, alimaanisha Roho Mtakatifu, ambaye wote waliomwamini wangempokea . . . Yohana 7:2–39 Roho na bibi arusi wanasema, “Njoo!” Naye asikiaye na aseme, “Njoo!” Yeyote mwenye kiu na aje, na kila anayetaka na anywe maji ya uzima bure. Ufunuo 22:17